- Джеринден айырылгъан – джети джылар, джуртундан айырылгъан – ёлгюнчю джылар.
- Этни да ашады, бетни да ашады.
- Къыз чыгъаргъан – къызыл къымжа.
- Эшекге миннген – биринчи айыб, андан джыгъылгъан – экинчи айыб.
- Ариу джол аджал келтирмез.
- Ат да турмайды бир териде.
- Адебни адебсизден юрен.
- Джашынгы кесинг юретмесенг, джашау юретир.
- Алгъанда – джууукъ, бергенде – джау.
- Тай асырагъан, атха минер.
- Болджал ишни бёрю ашар.
- Адамны адамлыгъы къыйынлыкъда айгъакъланады.
- Эшекни не къадар тюйсенг да, ат болмаз.
- Къралынгы – душмандан, башынгы от бла суудан сакъла.
- Бозаны арты дауур болур.
- Къая джолда джортма, ачыкъ сёзден къоркъма.
- Ач уят къоймаз.
- Дууулдаса – бал чибин, къонса – къара чибин.
- Туз, гырджын аша, тюзлюк бла джаша.
- Кёлю джокъну – джолу джокъ.
- Джыланны къуйругъундан басарынг келсе, аны башы болгъанын унутма.
- Ауругъанны сау билмез, ач къарынны токъ билмез.
- Юйюнг бла джау болгъандан эсе, элинг бла джау бол.
- Биреуге кёлтюрген таягъынг, кесинги башынга урур.
- Эрине къаргъыш этген къатын, эрнин къабар.
- Бетинги сатма, малынгы сат.
- Бал ашаргъа сюе эсенг, чибин ургъаннга тёз.
- Терслик кетер, тюзлюк джетер.
- Орундукъ тюбюнде атылсам да, орта джиликме, де да айлан.
- Уллу суу бла уллу ауруудан башынгы сакъла.
- Чыбыкълыкъда бюгюлмеген, къазыкълыкъда бюгюлмей эди.
- Къартны сыйын кёрмеген, къартлыгъында сыйлы болмаз.
- Келинин тута билмеген, къул этер, къызын тута билмеген, тул этер.
- Байлыкъ адамны сокъур этер.
- Танг атмайма десе да, кюн къоярыкъ тюйюлдю.
- Билеги кючлю, бирни джыгъар, билими кючлю, мингни джыгъар.
- Биреу къой излей, биреу той излей.
- Чабар ат – джетген къыз.
- Хансыз джомакъ болмаз.
- Кёбню кёрген – кёб билир.
- Чакъырылгъанны аты, чакъырылмагъанны багъасы болур.
- Кимни – тили, тиши онглу, кимни – къолу, иши онглу.
- Сёз къанатсыз учар.
- Тешигини къатында, чычхан да батыр болур.
- Эте билген, этген этеди, эте билмеген, юретген этеди!
- Босагъа таш юйге кирмей эди, тыбыр таш эшикге чыкъмай эди.
- Ойнай-ойнай кёз чыгъар.
- Мухар, кеси тойса да, кёзю тоймаз.
- Юй ишлеген балта эшикде къалыр.
- Ашхы сёз таш тешер.
Профиль
|
|
|
|||