- Терслик кетер, тюзлюк джетер.
- Джюз элде джюз ёгюзюм болгъандан эсе, джюз джууугъум болсун.
- Чыкълы кюнде чыкъмагъан, чыкъса къуру кирмеген.
- Сёз сёзню айтдырыр.
- Аз сёлеш, кёб ишле.
- Келлик заман – къартлыкъ келтирир, кетген заман – джашлыкъ ёлтюрюр.
- Тилсиз миллет джокъ болур.
- Бек анасы джыламаз.
- Булут кёкге джарашыу, уят бетге джарашыу.
- Ашхы атаны – джашы ашхы, ашхы ананы – къызы ашхы.
- Эринчекни аурууу – кёб.
- Накъырда – кертини келечиси.
- Байны оноуу, джарлыгъа джарамаз.
- Окъугъан – асыу, окъумагъан – джарсыу.
- Къарнынг ауруса, ауузунгу тый
- Элни кючю – эмеген.
- Тойгъанлыкъ къойгъа джарашады.
- Дууулдаса – бал чибин, къонса – къара чибин.
- Кесине гебен этелмеген, биреуге черен эте эди.
- Байны къызы баймакъ болса да, юйде къалмаз!
- Чабар ат – джетген къыз.
- Керти сёзге тёре джокъ.
- Ач да бол, токъ да бол – намысынга бек бол.
- Къайгъы тюбю – тенгиз.
- Эл ауузу – элия.
- Ауругъаннга – кийик саулукъ, джетген къызгъа – чилле джаулукъ.
- Эл элде бирер малынг болгъандан эсе, бирер тенгинг болсун.
- Тойгъан антын унутур.
- Тил бла келеди джыр да.
- Билген билмегенни юретген адетди.
- Билим ат болуб да чабар, къуш болуб да учар.
- Адебсиз адам – джюгенсиз ат.
- Аш берме да, къаш бер.
- Ёзденликни кёбю ётюрюк.
- Таукел адам тау тешер.
- Къонакъ кёб келюучю юйню, къазаны отдан тюшмез.
- Чарсда алчыны эл кёреди.
- Ёмюрлюк шохлукъну джел элтмез.
- Тюзню ётмеги тюзде къалса да, тас болмаз.
- Миллетни бойну – базыкъ, аны бла кюрешген – джазыкъ.
- Ачыкъ джюрекге джол – ачыкъ.
- Ауузу бла къуш тута айланады.
- Чомарт бергенин айтмаз.
- Адам сёзюнден белгили.
- Къуру гыбыт бек дыгъырдар.
- Чакъырылмагъан джерге барма, чакъырылгъан джерден къалма.
- Къызбайны юйюне дери сюрсенг, батыр болур.
- Къыз чыгъаргъан – къызыл къымжа.
- Къызын тута билмеген, тул этер, джашын тута билмеген, къул этер.
- Мухарны эси – ашарыкъда.
Профиль
|
$hadow
 Эльбрусоид
Баллов: 0
Регистрация: 28.11.2012
Последний визит: 24.04.2014 04:20:30
|
|
||||||
|
|
|
||||||