- Тёрени джагъы джокъ.
- Уллу сёлешме да, уллу къаб.
- Билим къая тешер.
- Гырджын – тепсини тамадасы.
- Джашынгы кесинг юретмесенг, джашау юретир.
- Азыгъы аз, алгъа къабар, аты аман, алгъа чабар.
- Дууулдаса – бал чибин, къонса – къара чибин.
- Аманны эки битли тону болур, бирин сеннге кийдирир, бирин кеси киер.
- Эр абынмай, эл танымаз.
- Къумурсхала джыйылсала, пилни да джыгъадыла.
- Чарсда алчыны эл кёреди.
- Иги джашны ышаны – аз сёлешиб, кёб тынгылар.
- Адам сёзюнден белгили.
- Ёлюр джаннга, ёкюл джокъ.
- Чомарт къолда мал къалмаз.
- Мал тутхан – май джалар.
- Кёб джат да, бек чаб.
- Кёбден умут этиб, аздан къуру къалма.
- Джюрек кёзден алгъа кёрюр.
- Нёгер болсанг, тенг бол, тенг болмасанг, кенг бол.
- Окъугъан озар, окъумагъан тозар.
- Акъыллы эркиши атын махтар, акъылсыз эркиши къатынын махтар.
- Билим ат болуб да чабар, къуш болуб да учар.
- Юре билмеген ит, къонакъ келтирир.
- Чабакъсыз кёлге къармакъ салгъанлыкъгъа, чабакъ тутмазса.
- Иги сеники эсе да, сюйген кесимикин этеме.
- Чомартны къолун джокълукъ байлар.
- Эркиши – от, тиширыу – суу.
- Аллахдан тилесенг, кёб тиле.
- Билген билмегенни юретген адетди.
- Ана къойну – балагъа джандет.
- Къыз келсе, джумуш эте келеди, къатын келсе, ушакъ эте келеди.
- Кийимни бир кюнню аясанг, минг кюннге джарар.
- Магъанасыз сёз – тауушсуз сыбызгъы.
- Сибиртки да сыйлы болду, кюрек да кюнлю болду.
- Дуния мал дунияда къалады.
- Аман хансны – урлугъу кёб.
- Джаным-тиним – окъуу, билим.
- Адамны аты башхача, акъылы да башхады.
- Чомарт джарлы болмаз.
- Аманнга игилик этсенг, юйюнге сау бармазса.
- Бастасын ашагъан, хантусун да ичер.
- Акъыл къартда, джашда тюйюлдю – башдады.
- Aдам боллукъ, сыфатындан белгили.
- Джарлы тюеге минсе да, ит къабар.
- Нарт сёз – тилни бети.
- Огъурлуну сёзю – суу, огъурсузну сёзю – уу.
- Билгенни къолу къарны джандырыр.
- Къыз чыгъаргъан – къызыл къымжа.
- Акъыллы айтыр эди, акъылсыз къоймайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72