- Къыз чыгъаргъан – къызыл къымжа.
- Байма, деб да, къууанма, джарлыма, деб да, джылама.
- Къралынгы – душмандан, башынгы от бла суудан сакъла.
- Чабар ат – джетген къыз.
- Джолда аягъынга сакъ бол, ушакъда тилинге сакъ бол.
- Акъыллы – эл иеси, тели – эл баласы.
- Аууз сакълагъан – джан сакълар.
- Айтылгъан сёз ызына къайтмаз.
- Къарт бла баш аша, джаш бла аякъ аша.
- Акъыллы айтыр эди, акъылсыз къоймайды.
- Биреу къой излей, биреу той излей.
- Кесинге джетмегенни, кёб сёлешме.
- Иги адам абынса да, джангылмаз.
- Сескекли кесин билдирир.
- Ётюрюкчюню шагъаты – къатында.
- Намысы болмагъанны, сыйы болмаз.
- Тойгъан джерге джети къайт.
- Сагъышы джокъ – джукъучу, акъылы джокъ – къаугъачы.
- Байлыкъ тауусулур, билим тауусулмаз.
- Аман эсирсе, юйюн ояр.
- Билмезни кёзю кёрмез, этмезни къулагъы эшитмез.
- Уллу суу бла уллу ауруудан башынгы сакъла.
- Тешигини къатында, чычхан да батыр болур.
- Акъыллы башны – тили къысха.
- Баш болса, бёрк табылыр.
- Сёз сёзню айтдырыр.
- Ата Джуртуму башы болмасам да, босагъасында ташы болайым.
- Баланы адам этген анады.
- Рысхы – сют юсюнде кёмюк кибикди.
- Джахил болса анасы, не билликди баласы?
- «Ма», - дегенни билмесенг, «бер», - дегенни билмезсе.
- Ёлюр джаннга, ёкюл джокъ.
- Чомартны къолу берекет.
- Ишни аллы бла къууанма да, арты бла къууан.
- Джогъун бар этген, барын бал этген.
- Адам сёзге тынгыла, акъыл сёзню ангыла.
- Кёб къычыргъандан – къоркъма, тынч олтургъандан – къоркъ.
- Къонакъ хазыр болгъанлыкъгъа, къонакъбай хазыр тюлдю.
- Ишленмеклик адамлыкъды.
- Кёзден кетген, кёлден да кетеди.
- Джан саулукъ бермей, сан саулукъ бермезсе.
- Ёгюзню мюйюзлери ауурлукъ этмейдиле.
- Ариу сёз джыланны орнундан чыгъарыр.
- Джангыз терек къынгыр ёсер.
- Эр абынмай, эл танымаз.
- Юйюнг бла джау болгъандан эсе, элинг бла джау бол.
- Эм уллу байлыкъ – джан саулукъ.
- Этни да ашады, бетни да ашады.
- Ашыкъгъанны этеги бутуна чырмалыр.
- Телиге акъыл салгъандан эсе, ёлгеннге джан салырса.
Профиль
|
|
|||