- Насыблы элин сюер, насыбсыз кесин сюер.
- Къаллай салам берсенг, аллай джууаб алырса.
- Сагъышы джокъ – джукъучу, акъылы джокъ – къаугъачы.
- Ёмюрлюк шохлукъну джел элтмез.
- Намыс болмагъан джерде, насыб болмаз.
- Ханнга да келеди хариблик.
- Акъыл неден да кючлюдю.
- Чарсда алчыны эл кёреди.
- Чомартха Тейри да борчлуду.
- Джуртун къоругъан озар.
- Ашына кёре табагъы, балына кёре къалагъы.
- Ана кёлю – балада, бала кёлю – талада.
- Рысхы джалгъанды: келген да этер, кетген да этер.
- Ауузу бла къуш тута айланады.
- Ашхы тенг джолгъа салыр, аман тенг джолдан тайдырыр.
- Ашхы сёз таш тешер.
- Игилик игилик бла сингдирилиучю затды.
- Ашхы болсанг, атынг чыгъар, аман болсанг, джанынг чыгъар.
- Аджал соруб келмез, келсе, къайтыб кетмез.
- Тойчу джашха къарама, къойчу джашха къара.
- Ачлыкъ отха секиртир.
- Элге къуллукъ этмеген, элге ие болмаз.
- Айырылгъанланы айю ашар, бёлюннгенлени бёрю ашар.
- Кесине гебен этелмеген, биреуге черен эте эди.
- Айтхан сёзюне табылгъан.
- Эли джокъну – кёлю джокъ.
- Ашхылыкъ джерде джатмайды, аманлыкъ суугъа батмайды.
- Садакъачыны джаны – къапчыгъында.
- Кёбден умут этиб, аздан къуру къалма.
- Чомартны къолун джокълукъ байлар.
- Тил – миллетни джаны.
- Кёл ашады да, кеси ашады.
- Къууут – джелге, берне – бошха.
- Джырына кёре эжиую.
- Кёзден кетген, кёлден да кетеди.
- Бир абыннган – минг сюрюнюр.
- Харам къарнашдан, халал тенг ашхы.
- Тилсиз миллет джокъ болур.
- Тил джюрекге джол ишлейди.
- Эшекни не къадар тюйсенг да, ат болмаз.
- Баш болса, бёрк табылыр.
- Ачыу алгъа келсе, акъыл артха къалады.
- Эл бла кёргенинг эрелей.
- Къонакъны къачан кетерин сорма, къачан келлигин сор.
- Джолда аягъынга сакъ бол, ушакъда тилинге сакъ бол.
- Аякъларынгы джууургъанынга кёре узат.
- Байны къызы баймакъ болса да, юйде къалмаз!
- Дууулдаса – бал чибин, къонса – къара чибин.
- Азыкъ аз болса, эртде орун сал.
- Намыс сатылыб алынмайды.
Профиль
|
|
|
|||