- Чомартха Тейри да борчлуду.
- Аджашханны ызындагъы кёреди, джангылгъанны джанындагъы биледи.
- Агъач – джерни чырайы, кийим – эрни чырайы.
- Айтхан – тынч, этген – къыйын.
- Аман киши кеси юйюнде – къонакъ.
- Ашха уста, юйюнде болсун
- Ач бёрюге мекям джокъ.
- Сормай – алма, чакъырылмай – барма.
- Къонакъ аман болса, къонакъбай джунчур
- Эрине къаргъыш этген къатын, эрнин къабар.
- Аман эсирсе, юйюн ояр.
- Джаралыны джастыгъында сау ёлюр.
- Уллу атлама – абынырса, уллу къабма – къарылырса.
- Миллетни бойну – базыкъ, аны бла кюрешген – джазыкъ.
- Эр абынмай, эл танымаз.
- Тешигини къатында, чычхан да батыр болур.
- Айран ичген – къутулду, джугъусун джалагъан – тутулду.
- Намысы джокъну – дуниясы джокъ.
- Арбаз къынгырды да, ийнек сауалмайма.
- Тойгъан джерге джети къайт.
- Кёзню ачылгъаны – иги, ауузну джабылгъаны – иги.
- Тик ёргени, тик энгишгеси да болады.
- Кюн кёрмеген, кюн кёрсе, кюндюз чыракъ джандырыр.
- Тау башында, тау болмаз, джангыз терек, бау болмаз.
- Къыйынлы джети элге оноу этер.
- Биреуню къыйынлыгъы бла кесинге джол ишлеме.
- Намысы болмагъанны, сыйы болмаз.
- Къайтырыкъ эшигинги, къаты уруб чыкъма.
- Акъыл бла адеб эгизледиле.
- Кёз – сюйген джерде, къол – ауругъан джерде.
- Узун джолну барсанг, бюгюн келирсе, къысха джолну барсанг, тамбла келирсе.
- Кёб джашагъан – кёб билир.
- Адам боллукъ, атламындан белгили болур.
- Эрни эр этерик да, къара джер этерик да, тиширыуду.
- Адамны артындан къара сабан сюрме.
- Хазыр ашха – терен къашыкъ.
- Келгинчи, къонакъ уялыр, келгенден сора, къонакъбай уялыр.
- Уясында не кёрсе, учханында аны этер.
- Сакъ юйюне сау барыр.
- Бозаны арты дауур болур.
- Тилсиз миллет джокъ болур.
- Игиге айтсанг – билир, аманнга айтсанг – кюлюр.
- Таукел къуру къалмаз.
- Аш кетер да бет къалыр.
- Джылар джаш, атасыны сакъалы бла ойнар.
- Тамырсыз терекге таянма – джыгъылырса.
- Ишни ахырын ойламай, аллын башлама.
- Тилчи бир сагъатха айлыкъ хата этер.
- Чакъырылгъанны аты, чакъырылмагъанны багъасы болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Профиль
|
|
|||