- Ёлген ийнек сютлю болур.
- Таукел адам тау тешер.
- Къанны къан бла джуума, аманны аман бла къуума.
- Керек ташны ауурлугъу джокъ.
- Аман хансны – урлугъу кёб.
- Башсыз урчукъ тюзюне айланмаз.
- Алим болгъандан эсе, адам болгъан къыйынды.
- Тенгни тенглиги джашай барсанг билинир.
- Ишни аллы бла къууанма да, арты бла къууан.
- Тау башында, тау болмаз, джангыз терек, бау болмаз.
- Къоркъакъны кёзю экили кёрюр.
- Джан саулукъ бермей, сан саулукъ бермезсе.
- Джырына кёре эжиую.
- Эте билген, этген этеди, эте билмеген, юретген этеди!
- Кирсизни – саны таза, халалны – къаны таза.
- Кесинге джетмегенни, кёб сёлешме.
- Бек ашыкъгъан меннге джетсин, дегенди аракъы.
- Адамны аманы адамны бети бла ойнар.
- Чакъырылгъанны аты, чакъырылмагъанны багъасы болур.
- Джолунга кёре – джюрюшюнг, джагъанга кёре – юлюшюнг.
- Тойгъан джерге джети къайт.
- Сабийликде юретмесенг, уллу болса – тюзелмез.
- Хатерли къул болур.
- Ёлген аслан – сау чычхан.
- Сескекли кесин билдирир.
- Сыфатында болмагъаны, суратында болмаз.
- Оюмсуз атлагъан, аджалсыз ёлюр.
- Накъырданы арты керти болур.
- Баланы адам этген анады.
- Джарлы джети элни сёзюн этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёб джат да, бек чаб.
- Къууут – джелге, берне – бошха.
- Аман къатын сабий табса, бий болур…
- Къатын къылыкъсыз, эр тынчлыкъсыз.
- Ургъан суудан башынгы сакъла.
- Кёлю джокъну – джолу джокъ.
- Баш болса, бёрк табылыр.
- Мал ёлсе, сюек къалыр, адам ёлсе, иши къалыр.
- Шайтан алдады, тюзлюк къаргъады.
- Джуртун къоругъан озар.
- Болджал ишни бёрю ашар.
- Бичгенде ашыкъма, тикгенде ашыкъ.
- Тиширыусуз юй – отсуз от джагъа.
- Байлыкъ адамны сокъур этер.
- Джарашыу сюйген – джалынчакъ.
- Джангызны оту джарыкъ джанмаз!
- Юреннген ауруу къалмаз.
- Тамчы таш тешер.
- Махтаннган къыз, тойда джукълар.
Профиль
|
|
|
|||