- Мураты болгъанны джюрек тебюую башхады.
- Къралынгы – душмандан, башынгы от бла суудан сакъла.
- Босагъа таш юйге кирмей эди, тыбыр таш эшикге чыкъмай эди.
- Кёлсюзден сёзсюз тууар.
- Нёгерсизни джолу узун.
- Айтылгъан буйрукъ, сёгюлмез
- Ишлерге уял да, ашаргъа табма.
- Тойгъан антын унутур.
- Тенгни тенглиги джашай барсанг билинир.
- Арба аугъандан сора, джол кёргюзтюучю кёб болур.
- Эшекге миннген – биринчи айыб, андан джыгъылгъан – экинчи айыб.
- Башынга джетмегенни сорма.
- Адамгъа аман кюн соруб келмейди.
- Къаллай салам берсенг, аллай джууаб алырса.
- Хар ишни да аллы къыйынды.
- Суугъа – чабакъ, къаягъа – ыргъакъ.
- Къызбайны юйюне дери сюрсенг, батыр болур.
- Насыб бютеу халкъны юлюшюдю.
- Уллу сёзде уят джокъ.
- Джаш болсун, къыз болсун, акъылы, саны тюз болсун.
- Таш бла ургъанны, аш бла ур.
- «Ма», - дегенни билмесенг, «бер», - дегенни билмезсе.
- Адамны джюреги нени кёрюрге сюйсе, кёзю да аны кёрюрге ёч болады.
- Татлы сёз – балдан татлы.
- Чакъырылгъанны аты, чакъырылмагъанны багъасы болур.
- Аман хансны – урлугъу кёб.
- Булут кёкге джарашыу, уят бетге джарашыу.
- Мухардан ач ычхынмаз.
- Ётюрюкчюню шагъаты – къатында.
- Ашда – бёрю, ишде – ёлю.
- Азыгъы аз, алгъа къабар, аты аман, алгъа чабар.
- Биреуню эскиси биреуге джангы болмайды.
- Джаралыны джастыгъында сау ёлюр.
- Халкъгъа джарагъан, джарлы къалмаз.
- Къонакъны къачан кетерин сорма, къачан келлигин сор.
- Иесиз малны бёрю ашар.
- Иги болса, тамадама – махтау, аман болса, меннге – айыб.
- Ётюрюк хапар аякъ тюбю бла джюрюйдю.
- Тулпарлыкъ, билекден тюл – джюрекден.
- Ата джурт – алтын бешик.
- Гугурук къычырмаса да, тангны атары къалмаз.
- Илму – джашауну джолу.
- Бал чибинни ургъаны – ачы, балы – татлы.
- Акъыллы – эл иеси, тели – эл баласы.
- Къууут – джелге, берне – бошха.
- Нафысынгы айтханын этме, намысынгы айтханын эт.
- Тешигини къатында, чычхан да батыр болур.
- Сангырау къулакъ эл бузар.
- Садакъачыны джаны – къапчыгъында.
- Сабий кёргенин унутмаз.
Профиль
|
|
|||