- Бети – къучакълар, джюреги – бычакълар.
- Аманны къуугъан, аманлыкъ табар.
- Хансыз джомакъ болмаз.
- Тилчи тилден къаныкъмаз.
- Тойгъа барсанг, тоюб бар, эски тонунгу къоюб бар.
- Экеулен сёлеше тура эселе, орталарына барыб кирме.
- Юй кюйдю да, кюйюз чыкъды, ортасындан тюйюш чыкъды.
- Ата Джуртун танымагъан, атасын да танымаз.
- Къонакъ аз олтурур, кёб сынар.
- Ётген ёмюр – акъгъан суу.
- Ашатыргъа иш – ашхы, ишлетирге аш – ашхы.
- Ёмюрлюк шохлукъну джел элтмез.
- Аманны эки битли тону болур, бирин сеннге кийдирир, бирин кеси киер.
- Телиге акъыл салгъандан эсе, ёлгеннге джан салырса.
- Хоншуну тауугъу къаз кёрюнюр, келини къыз кёрюнюр.
- Олтуруб кёрюнмей эди да, ёрге туруб кёрюне эди.
- Акъыллы – эл иеси, тели – эл баласы.
- Ышармагъан – кюлмез, кюлмеген – къууанчны билмез.
- Байдан умут эте, джарлыдан ёгюз багъасы къорады.
- Чалманны аллы къалай башланса, арты да алай барады.
- Келгинчи, къонакъ уялыр, келгенден сора, къонакъбай уялыр.
- Бир абыннган – минг сюрюнюр.
- Чакъырылмагъан къонакъ къачан кетерин сормаз.
- Ариу сёз джыланны орнундан чыгъарыр.
- Кёзюнде тереги болгъан, чёбю болгъаннга кюле эди.
- Элиб деген, элге болушур.
- Ёпкелегенни ашы татлы болады.
- Аз айтсам, кёб ангылагъыз.
- Билим – акъылны чырагъы.
- Къан бла кирген, джан бла чыгъар.
- Ашлыкъны арба юйге келтирир, чана базаргъа элтир.
- Джумушакъ терекни къурт ашар.
- Айтхан – тынч, этген – къыйын.
- Ат басханны джер билед.
- Минг тенг да азды, бир джау да кёбдю.
- Кесинг сынамагъан затны, адамгъа буюрма.
- Азыкълы ат арымаз, къатыны аман джарымаз.
- Кийиминг бла танылма, адамлыкъ бла таныл.
- Сютден ауузу кюйген, суугъа юфгюре эди.
- Ач – эснер, ат – кишнер.
- Бозанг болмагъан джерге, къалагъынгы сукъма.
- Айтхан сёзюне табылгъан.
- Адамны бетине къарама, адетине къара.
- Оюмсуз атлагъан, аджалсыз ёлюр.
- Кёз – сюйген джерде, къол – ауругъан джерде.
- Тойгъан антын унутур.
- Тюкюрюк баш джармаз, налат кёз чыгъармаз!
- Тил джюрекге джол ишлейди.
- Билимден уллу байлыкъ джокъду.
- Суу да къайтады чыкъгъан джерине.
Профиль
|
|
|||