- Джаз бир кюнню джатсанг, къыш талай кюнню абынырса.
- Бек ашыкъгъан меннге джетсин, дегенди аракъы.
- Тиширыусуз юй – отсуз от джагъа.
- Къайтырыкъ эшигинги, къаты уруб чыкъма.
- Чакъырылмай келген къонакъ сыйланмай кетер.
- Азыгъы аз, алгъа къабар, аты аман, алгъа чабар.
- Рысхы – насыбха къор.
- Адеб этмеген, адеб кёрмез.
- Сёз сёзню айтдырыр.
- Сабийликде юретмесенг, уллу болса – тюзелмез.
- Адамны адамлыгъы къыйынлыкъда айгъакъланады.
- Джумушакъ сёз къаты таякъны сындырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашаса, ашамаса да, бёрюню ауузу – къан.
- Башда акъыл болмаса, эки аякъгъа кюч джетер.
- Дууулдаса – бал чибин, къонса – къара чибин.
- Баш – акъыл ючюн, акъылман – халкъ ючюн.
- Юй ишлеген балта эшикде къалыр.
- Ашда уялгъан – мухар, ишде уялгъан – хомух.
- Иги адамны бир сёзю эки болмаз.
- Ёлюр джаннга, ёкюл джокъ.
- Таула не мийик болсала да, аууш табылыр.
- Хаухну атма, ёнгкючню сатма.
- Ашхылыкъ джерде джатмайды, аманлыкъ суугъа батмайды.
- Байлыкъдан саулукъ ашхыды.
- Джигер – джаннга къыйынлыкъ.
- Тойну къарнашы – харс, джырны къарнашы – эжиу.
- Ётюрюкден тюбю джокъ, кёлтюрюрге джиби джокъ.
- Хантына кёре тузу, юйюне кёре къызы.
- Бир абыннган – минг сюрюнюр.
- Кюн кёрмеген, кюн кёрсе, кюндюз чыракъ джандырыр.
- Насыб бютеу халкъны юлюшюдю.
- Аууздан келген, къолдан келсе, ким да патчах болур эди.
- Къобан да къуру да къобханлай турмайды, адам да къуру да патчахлай турмайды.
- Телини эшигин, махтау джабар.
- Махтаннган къыз, тойда джукълар.
- Эл ауузу – элек, анга ийнаннган – халек.
- Тынгылагъан тынгы бузар.
- Ашлыкъны арба юйге келтирир, чана базаргъа элтир.
- Къонакъ аман болса, къонакъбай джунчур
- Къонакъ кёб келюучю юйню, къазаны отдан тюшмез.
- Байдан умут эте, джарлыдан ёгюз багъасы къорады.
- Гугук кесини атын айтыб къычыргъанча, мен, мен деб нек тураса?
- Сууда джау джокъ, кёб сёзде магъана джокъ.
- Ач – эснер, ат – кишнер.
- Эки ойлашыб, бир сёлешген.
- Тенги кёбню джау алмаз, акъылы кёбню дау алмаз.
- Атынг аманнга чыкъгъандан эсе, джанынг тамагъынгдан чыкъсын.
- Къартны бурнун сюрт да, оноугъа тут.
- Тас болгъан бычакъны сабы – алтын.
Профиль
|
|
|||