- Накъырда – кертини келечиси.
- Билгенни къолу къарны джандырыр.
- Тилчиден кери бол.
- Ачны эсинде – аш.
- Суу ичген шауданынга тюкюрме.
- Рысхы джалгъанды: келген да этер, кетген да этер.
- Аууз сакълагъан – джан сакълар.
- Айныгъанлы алты кюн, тогъайгъанлы тогъуз кюн.
- Чомарт джарлы болмаз.
- Къартха ушагъан джаш – акъыллы, джашха ушагъан къарт – тели.
- Тешигини къатында, чычхан да батыр болур.
- Ышармагъан – кюлмез, кюлмеген – къууанчны билмез.
- Джылыгъа джылан илешир.
- Керти сёзге тёре джокъ.
- Эркишини аманы тиширыуну джылатыр.
- Тилчи тилден къаныкъмаз.
- Эртде тургъан джылкъычыны эркек аты тай табар.
- Ёлген ийнек сютлю болур.
- Босагъагъа джууукъ орун болса, ашыгъыб тёрге озма.
- Джерни букъусу кёкге къонмаз.
- Адамны аты башхача, акъылы да башхады.
- Битмегеннге сакъал – танг.
- Аджаллыгъа окъсуз шкок атылыр.
- Алтыннга тот къонмаз.
- Акъыл неден да кючлюдю.
- Джарлы джети элни сёзюн этер.
- Юйюнгден чыкъдынг – кюнюнгден чыкъдынг.
- Тамбла алтындан бюгюн багъыр ашхы.
- Минг тенг да азды, бир джау да кёбдю.
- Элге къуллукъ этмеген, элге ие болмаз.
- Билеги кючлю, бирни джыгъар, билими кючлю, мингни джыгъар.
- Къарнынг бла ёч алма.
- Аман эсирсе, юйюн ояр.
- Эки итни арасына сюек атма, эки адамны арасында сёз чыгъарма.
- Джюрекге ариу – кёзге да ариу.
- Биреуге аманлыкъ этиб, кесинге игилик табмазса.
- Аз айтсам, кёб ангылагъыз.
- Тили узунну, намысы – къысха.
- Къызгъанчдан ычхыныр, мухардан ычхынмаз.
- Тёрде – темир таякълы, къаяда – чыпчыкъ аякълы.
- Нёгер болсанг, тенг бол, тенг болмасанг, кенг бол.
- Ургъан суудан башынгы сакъла.
- Суу да къайтады чыкъгъан джерине.
- Ёпкелегенни ашы татлы болады.
- Бети – къучакълар, джюреги – бычакълар.
- Биреуню къыйынлыгъы бла кесинге джол ишлеме.
- Аякъларынгы джууургъанынга кёре узат.
- Намыс сатылыб алынмайды.
- Джыгъылгъанны сырты джерден тоймаз.
- Адеб джокъда, намыс джокъ.
Профиль
|
|
|||