- Къатыны харакетли болса, эри къымсыз болур.
- Ургъан суудан башынгы сакъла.
- Билим къая тешер.
- Дуния малгъа сатылма, кесингден телиге къатылма.
- Ана къолу ачытмаз.
- Насыблы элин сюер, насыбсыз кесин сюер.
- Юйлю уругъа ит чабмаз.
- Накъырданы арты керти болур.
- Билимсиз иш бармаз.
- Сакъ юйюне сау барыр.
- Терек ауса, отунчу – кёб.
- Къаллай салам берсенг, аллай джууаб алырса.
- Къартны сыйын кёрмеген, къартлыгъында сыйлы болмаз.
- Азыкълы ат арымаз, къатыны аман джарымаз.
- Эрине къаргъыш этген къатын, эрнин къабар.
- Къалгъан ишге къар джауар.
- Къан бла кирген, джан бла чыгъар.
- Адамгъа аман кюн соруб келмейди.
- Келгинчи, къонакъ уялыр, келгенден сора, къонакъбай уялыр.
- Таукел къуру къалмаз.
- Адамны адамлыгъы къыйынлыкъда айгъакъланады.
- Хар ишни да аллы къыйынды.
- Адам туугъан джеринде, ит тойгъан джеринде.
- Къайтырыкъ эшигинги, къаты уруб чыкъма.
- Кёб джашагъан – кёб билир.
- Айтханы чапыракъдан ётмеген.
- Бир абыннган – минг сюрюнюр.
- Бир онгсуз адам адет чыгъарды, деб эштирик тюлсе.
- Ашатыргъа иш – ашхы, ишлетирге аш – ашхы.
- Тёзген – тёш ашар!
- Ариу сёз – джаннга азыкъ, аман сёз – башха къазыкъ.
- Джумушакъ сёз къаты таякъны сындырыр.
- Къызын тута билмеген, тул этер, джашын тута билмеген, къул этер.
- Аман эсирсе, юйюн ояр.
- Джаралыны джастыгъында сау ёлюр.
- Акъыл бла адеб эгизледиле.
- Ичимден чыкъды хата, къайры барайым сата?
- Джолунга кёре – джюрюшюнг, джагъанга кёре – юлюшюнг.
- Этек чакъмакълары баш джаргъан, сёлешген сёзлери таш джаргъан.
- Таугъа чыгъаллыкъ эсенг, тюзде къалма.
- Термилгенинги табмазса, кюлгенинге тюберсе.
- Элге къуллукъ этмеген, элге ие болмаз.
- Биреуге кёлтюрген таягъынг, кесинги башынга урур.
- Эте билген, этген этеди, эте билмеген, юретген этеди!
- Сёлеш деб шай берген, тохта деб, сом берген.
- Къанны къан бла джуума, аманны аман бла къуума.
- Байлыкъ келсе, акъыл кетер.
- Нарт сёз – тилни бети.
- Алма терегинден кери кетмез.
- Джюрекге ариу – кёзге да ариу.
Профиль
|
|
|||