- Керти сёзге тёре джокъ.
- Джарлы тюеге минсе да, ит къабар.
- Джаш болсун, къыз болсун, акъылы, саны тюз болсун.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аман адам этегингден тутса, кес да къач.
- Юре билмеген ит, къонакъ келтирир.
- Болджал ишни бёрю ашар.
- Чакъырылмагъан джерге барма, чакъырылгъан джерден къалма.
- Кёб ант этген, кёб ётюрюк айтыр.
- Этим кетсе да, сюегим къалыр.
- Башы джабылгъан челекге, кир тюшмез.
- Къумурсхала джыйылсала, пилни да джыгъадыла.
- Татлы сёз – балдан татлы.
- Кёлю джокъну – джолу джокъ.
- Чакъырылгъанны аты, чакъырылмагъанны багъасы болур.
- Рысхы джалгъанды: келген да этер, кетген да этер.
- Кесине оноу эте билмеген, халкъына да эте билмез.
- Хар зат кесини орнуна иги.
- Ишин билген, аны сыйын чыгъарады.
- Къошда джокъгъа – юлюш джокъ.
- Айраннга суу къош, телиге джол бош.
- Ёлмесенг да, къарт дамы болмазса?
- Къар – келтирди, суу – элтди.
- Сютню башын джалагъан къутулур, тюбюн ичген тутулур.
- Ишлегенден, къарагъан уста.
- Халкъны джырын джырласанг, халкъ санга эжиу этер.
- Игиге айтсанг – билир, аманнга айтсанг – кюлюр.
- Ишни ахырын ойламай, аллын башлама.
- Асхат ашлыкъ сата, юйдегиси ачдан къата.
- Джарлыны тону джаз битер.
- Нафысынгы айтханын этме, намысынгы айтханын эт.
- Аманны эки битли тону болур, бирин сеннге кийдирир, бирин кеси киер.
- Къуллукъчума, деб махтанма, къуллукъ – хаух джамчыды!
- Тай асырагъан, атха минер.
- Баланы адам этген анады.
- Ханнга да келеди хариблик.
- Билмезни кёзю кёрмез, этмезни къулагъы эшитмез.
- Къатын къылыкъсыз, эр тынчлыкъсыз.
- Уясында не кёрсе, учханында аны этер.
- Сабийликде юретмесенг, уллу болса – тюзелмез.
- Ариу – кёзге, акъыл – джюрекге.
- Эрни эр этерик да, къара джер этерик да, тиширыуду.
- Чоюнну башы ачыкъ болса, итге уят керекди.
- Атадан ёксюз – бир ёксюз, анадан ёксюз – эки ёксюз.
- Къонакъ аман болса, къонакъбай джунчур
- Айран ичген – къутулду, джугъусун джалагъан – тутулду.
- Джюрекге ариу – кёзге да ариу.
- Тик ёргени, тик энгишгеси да болады.
- Аш берме да, къаш бер.
- Тулпарлыкъ, билекден тюл – джюрекден.
Профиль
|
|
|
|||