- Къулакъдан эсе, кёзге ышан.
- Эртде тургъан джылкъычыны эркек аты тай табар.
- Тёзгеннге, джабылгъан эшик ачылыр.
- Чомартха хар кюн да байрамды.
- Татлы тилде – сёз ариу, чемер къолда – иш ариу.
- Ёлген аслан – сау чычхан.
- Рысхы джалгъанды: келген да этер, кетген да этер.
- Тил – миллетни джаны.
- Къарт бла баш аша, джаш бла аякъ аша.
- Башсыз урчукъ тюзюне айланмаз.
- Ач да бол, токъ да бол – намысынга бек бол.
- Иги адамны бир сёзю эки болмаз.
- Джукъу тёшек сайламайды.
- Дууулдаса – бал чибин, къонса – къара чибин.
- Бир онгсуз адам адет чыгъарды, деб эштирик тюлсе.
- Чыбыкълыкъда бюгюлмеген, къазыкълыкъда бюгюлмей эди.
- Ашаса, ашамаса да, бёрюню ауузу – къан.
- Джолунга кёре – джюрюшюнг, джагъанга кёре – юлюшюнг.
- Уллу суу бла уллу ауруудан башынгы сакъла.
- Татлы сёз – балдан татлы.
- Ичимден чыкъды хата, къайры барайым сата?
- Эм уллу байлыкъ – джан саулукъ.
- Шекер бла туз – бир болмаз, ушамагъан – юй болмаз.
- Дуния малгъа сатылма, кесингден телиге къатылма.
- Ишлегенде эринме, ишде чолакъ кёрюнме.
- Джолда аягъынга сакъ бол, ушакъда тилинге сакъ бол.
- Азыгъы аз, алгъа къабар, аты аман, алгъа чабар.
- Ашхы адам – халкъ байлыгъы, ашхы джер – джашау байлыгъы.
- Ана – юйню кюн джарыгъы.
- Юйюнгден чыкъдынг – кюнюнгден чыкъдынг.
- Билимден уллу байлыкъ джокъду.
- Дуния мал дунияда къалады.
- Аман къатын алгъан, арыр, иги къатын алгъан джарыр.
- Халкъны юйю – туугъан джери.
- Чалманны аллы къалай башланса, арты да алай барады.
- Къанны къан бла джуума, аманны аман бла къуума.
- Билими азны – ауузунда кирит.
- Байдан умут эте, джарлыдан ёгюз багъасы къорады.
- Юй ишлеген балта эшикде къалыр.
- Намыс болмагъан джерде, насыб болмаз.
- Адеб этмеген, адеб кёрмез.
- Адам къыйынлыгъын кёлтюрюр, зауукълугъун кёлтюрмез.
- Окъугъанны бети джарыкъ.
- Дуния аламаты сен эсенг да, игиме деб айтма.
- Ёзденликни джайгъан – джокълукъ.
- Урунуу – насыбны анасы.
- Адеби болмагъан къыз – тузсуз хант.
- Аман эсирсе, юйюн ояр.
- Джырчы ёлсе, джыры къалыр.
- Джырчы джырчыгъа – къарнаш.
Профиль
|
|
|||