- Бойнуму джети джерден кессенг да, мен ол ишни этеллик тюлме.
- Ётюрюкчюню шагъаты – къатында.
- Сютден ауузу кюйген, суугъа юфгюре эди.
- Ариу сёз аурууунгу алыр.
- Телиге от эт десенг, юйюнге от салыр.
- Хата – гитчеден.
- Джахил болса анасы, не билликди баласы?
- Ач къарынны, токъ билмез
- Къартха ушагъан джаш – акъыллы, джашха ушагъан къарт – тели.
- Керек ташны ауурлугъу джокъ.
- Ата Джуртун танымагъан, атасын да танымаз.
- Ашха уста, юйюнде болсун
- Хар адамгъа кеси миннген тау кибик.
- Джашлыкъ этмеген, башлыкъ этмез.
- Бичгенде ашыкъма, тикгенде ашыкъ.
- Биреуге аманлыкъны тилеме да, кесинге ашхылыкъны тиле.
- Тай асырагъан, атха минер.
- Джюрекге ариу – кёзге да ариу.
- Биреу ашаб къутулур, биреу джалаб тутулур.
- Кюн – узун, ёмюр – къысха.
- Къазанны башы ачыкъ болса, итге уят керекди.
- Ишленмеклик адамлыкъды.
- Эр абынмай, эл танымаз.
- Джол бла сёзню къыйыры джокъ.
- Ёлмесенг да, къарт дамы болмазса?
- Таукел тауну аудурур.
- Уллу атлама – абынырса, уллу къабма – къарылырса.
- Хаухну атма, ёнгкючню сатма.
- Халкъны джырын джырласанг, халкъ санга эжиу этер.
- Тенгни тенглиги джашай барсанг билинир.
- Намыс сатылыб алынмайды.
- Душманны тышы – акъ, ичи – къара.
- Ойнай билмеген, уруб къачар.
- Аман хансны – урлугъу кёб.
- Адебни адебсизден юрен.
- Ариу сёз джыланны орнундан чыгъарыр.
- Кёлсюзден сёзсюз тууар.
- Алма терегинден кери кетмез.
- Алгъанда – джууукъ, бергенде – джау.
- Къызгъанчдан ычхыныр, мухардан ычхынмаз.
- Ичимден чыкъды хата, къайры барайым сата?
- Нёгерсизни джолу узун.
- Aдам боллукъ, сыфатындан белгили.
- Къонакъны къачан кетерин сорма, къачан келлигин сор.
- Экеулен сёлеше тура эселе, орталарына барыб кирме.
- Арбаз къынгырды да, ийнек сауалмайма.
- Ойнай билмеген, оюн бузар.
- Таукел адам тау тешер.
- Этим кетсе да, сюегим къалыр.
- Баш – акъыл ючюн, акъылман – халкъ ючюн.
Профиль
|
|
|||