- Окъуусуз билим – джокъ, билимсиз кюнюнг – джокъ.
- Арба аугъандан сора, джол кёргюзтюучю кёб болур.
- Айранын берсенг, челегин да къызгъанма.
- Джюз элде джюз ёгюзюм болгъандан эсе, джюз джууугъум болсун.
- Мал ёлсе, сюек къалыр, адам ёлсе, иши къалыр.
- Ишни аллы бла къууанма да, арты бла къууан.
- Тойгъан антын унутур.
- Олтуруб кёрюнмей эди да, ёрге туруб кёрюне эди.
- Дженгил джетерикме деб, узун джолну къоюб, къысхасын барма.
- Бир онгсуз адам адет чыгъарды, деб эштирик тюлсе.
- Башда акъыл болмаса, эки аякъгъа кюч джетер.
- Аз сёлеш, кёб ишле.
- Ёксюзню къалачы уллу кёрюнюр.
- Джолда аягъынга сакъ бол, ушакъда тилинге сакъ бол.
- Ашда уялгъан – мухар, ишде уялгъан – хомух.
- Дуния малгъа сатылма, кесингден телиге къатылма.
- Уллу сёлешме да, уллу къаб.
- Эски джаугъа ышанма.
- Аууз сакълагъан – джан сакълар.
- Адамны артындан къара сабан сюрме.
- Сабыр джетер муратха, сабырсыз къалыр уятха.
- Ашына кёре табагъы, балына кёре къалагъы.
- Сакъламагъан затынга джолукъсанг, не бек къууанаса, не бек ачыйса.
- Арпа, будай – ащды, алтын, кюмюш а – ташды.
- Аманнга игилик этсенг, юйюнге сау бармазса.
- Ауузу бла къуш тута айланады.
- Садакъачыны джаны – къапчыгъында.
- Ашда – бёрю, ишде – ёлю.
- Онгсузну – джакъла, тенгликни – сакъла.
- Намыс сатылыб алынмайды.
- Мени джылытмагъан кюн, меннге тиймесин!
- Эшекге миннген – биринчи айыб, андан джыгъылгъан – экинчи айыб.
- Азыкълы ат арымаз, къатыны аман джарымаз.
- Джахил болса анасы, не билликди баласы?
- Джашлыкъ этмеген, башлыкъ этмез.
- Джырчы джырчыгъа – къарнаш.
- Кёз – сюйген джерде, къол – ауругъан джерде.
- Гырджын – тепсини тамадасы.
- От этилмеген джерден тютюн чыкъмайды.
- Билмейме деген – бир сёз
- Байлыкъ тауусулур, билим тауусулмаз.
- Туз, гырджын аша, тюзлюк бла джаша.
- Абынмазлыкъ аякъ джокъ, джангылмазлыкъ джаякъ джокъ.
- Этим кетсе да, сюегим къалыр.
- Джети тилни билген джети кишиди.
- Билими азны – ауузунда кирит.
- Билим ат болуб да чабар, къуш болуб да учар.
- Тик ёргени, тик энгишгеси да болады.
- Адеб джокъда, намыс джокъ.
- Азыгъы аз, алгъа къабар, аты аман, алгъа чабар.
Профиль
|
|
|||