- Кёзюнде тереги болгъан, чёбю болгъаннга кюле эди.
- Бойнуму джети джерден кессенг да, мен ол ишни этеллик тюлме.
- Къонакъ аман болса, къонакъбай джунчур
- Акъыл аздырмаз, билим тоздурмаз.
- Халкъгъа джарагъан, джарлы къалмаз.
- Экеу тутушса, биреу джыгъылыр.
- Махтаннган къыз, тойда джукълар.
- Тилде сюек болмаса да, сюек сындырыр.
- Хар сёзню орну барды.
- Ышармагъан – кюлмез, кюлмеген – къууанчны билмез.
- Тынгылагъан тынгы бузар.
- Кёзю сокъурдан – къоркъма, кёлю сокъурдан – къоркъ.
- Азыкъ аз болса, эртде орун сал.
- Аллахдан тилесенг, кёб тиле.
- Джылыгъа джылан илешир.
- Ашыкъгъан cуу, тенгизге джетмез.
- Тамбла алтындан бюгюн багъыр ашхы.
- Къонакъ болсанг, ийнакъ бол.
- Душманны тышы – акъ, ичи – къара.
- Кечеси – аяз, кюню – къыш, джарлы къаргъагъа бир аш тюш!
- Артына баргъанны, къатына барма.
- Узун джолну барсанг, бюгюн келирсе, къысха джолну барсанг, тамбла келирсе.
- Бозанг болмагъан джерге, къалагъынгы сукъма.
- Эте билген, этген этеди, эте билмеген, юретген этеди!
- Къазанны башы ачыкъ болса, итге уят керекди.
- Асхат ашлыкъ сата, юйдегиси ачдан къата.
- Бюгюн дуния кибик, тамбла ахыратды.
- Къонагъы джокъну – шоху джокъ.
- Баланы адам этген анады.
- Къолу уллу – асыу, аягъы уллу – джарсыу.
- Къыйынлы джети элни къайгъысын этер.
- Сууда джау джокъ, кёб сёзде магъана джокъ.
- Телини эшигин, махтау джабар.
- Тойчу джашха къарама, къойчу джашха къара.
- Таукелге нюр джауар.
- Хар ишни да аллы къыйынды.
- Кёб къычыргъандан – къоркъма, тынч олтургъандан – къоркъ.
- Ишге юренсин къоллары, халкъ бла болсун джоллары.
- Атынг аманнга чыкъгъандан эсе, джанынг тамагъынгдан чыкъсын.
- Таугъа чыгъаллыкъ эсенг, тюзде къалма.
- Ёмюрлюк шохлукъну джел элтмез.
- Биреуню эскиси биреуге джангы болмайды.
- Тёзген – тёш ашар!
- Акъылсызны джууукъгъа алма, акъыллыны кенгнге салма.
- Ашхы болсанг, атынг чыгъар, аман болсанг, джанынг чыгъар.
- Хазыр ашха – терен къашыкъ.
- Уллу къазанда бишген эт, чий къалмаз.
- Ач уят къоймаз.
- Сёз сёзню айтдырыр.
- Хансыз джомакъ болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72