- Чабакъсыз кёлге къармакъ салгъанлыкъгъа, чабакъ тутмазса.
- Ариуну – ауруу кёб.
- Аш берме да, къаш бер.
- Эски джаугъа ышанма.
- Чалманны аллы къалай башланса, арты да алай барады.
- Келинни – келгинчи, бёркню кийгинчи кёр.
- Бал – татлы, балдан да бала – татлы.
- Ачлыкъ отха секиртир.
- Рысхысына кёре, джаш ёсер, къышлыгъына кёре, мал ёсер.
- Джети тилни билген джети кишиди.
- Акъылсызны джууукъгъа алма, акъыллыны кенгнге салма.
- Тилде сюек болмаса да, сюек сындырыр.
- Харам къарнашдан, халал тенг ашхы.
- Башы ишлегенни, ауузу да ишлер.
- Сууда джау джокъ, кёб сёзде магъана джокъ.
- Билмезни кёзю кёрмез, этмезни къулагъы эшитмез.
- Кёб джашагъан – кёб билир.
- Биреуню къыйынлыгъы бла кесинге джол ишлеме.
- Хунаны тюбюн къазсанг, юсюнге ауар.
- Тёгюлген тюгел джыйылмайды.
- Джырчы ёлсе, джыры къалыр.
- Аман къатын алгъан, арыр, иги къатын алгъан джарыр.
- Билмейме деген – бир сёз
- Термилгенинги табмазса, кюлгенинге тюберсе.
- Биреуге аманлыкъ этиб, кесинге игилик табмазса.
- Джашынгы кесинг юретмесенг, джашау юретир.
- Билмегенинги, билгеннге сор.
- Эринчекни аурууу – кёб.
- Ат да турмайды бир териде.
- Акъыл къартда, джашда тюйюлдю – башдады.
- Ашхы – джыяр, аман – джояр.
- Таугъа чыгъаллыкъ эсенг, тюзде къалма.
- Кёрмегеннге кебек – танг, битмегеннге сакъал – танг.
- Махтаннган къыз, тойда джукълар.
- Уллу къашыкъ эрин джыртар.
- Татлы тилде – сёз ариу, чемер къолда – иш ариу.
- Бюгюн дуния кибик, тамбла ахыратды.
- Алтыда кюлмеген, алтмышда кюлмез.
- Ата Джуртун танымагъан, атасын да танымаз.
- Туз, гырджын аша, тюзлюк бла джаша.
- Нёгер болсанг, тенг бол, тенг болмасанг, кенг бол.
- Сёлеш деб шай берген, тохта деб, сом берген.
- Акъдан къара болмаз.
- Башсыз урчукъ тюзюне айланмаз.
- Бастасын ашагъан, хантусун да ичер.
- Аш хазыр болса, иш харам болур.
- Ауузу аманнга «иги», деме.
- Тёрде – темир таякълы, къаяда – чыпчыкъ аякълы.
- Къыз келсе, джумуш эте келеди, къатын келсе, ушакъ эте келеди.
- Сангырау къулакъ эл бузар.
Профиль
|
|
|||