- Джарлыны эшигин махтагъан джабар.
- Юйлю уругъа ит чабмаз.
- Эл ауузу – элия.
- Тин – байлыгъынг, терен саулугъунг.
- Ашхы атаны – джашы ашхы, ашхы ананы – къызы ашхы.
- Биреуге аманлыкъ этиб, кесинге игилик табмазса.
- Къатыны харакетли болса, эри къымсыз болур.
- Чомартха хар кюн да байрамды.
- Кийимни бир кюнню аясанг, минг кюннге джарар.
- Кёкдеги болмаса, джердегин кёрмейди.
- Ашхы – джыяр, аман – джояр.
- Мадар болса, къадар болур.
- Эллинг бла джау болсанг да, юйюнг бла джау болма.
- Къонагъы джокъну – шоху джокъ.
- Джюз элде джюз ёгюзюм болгъандан эсе, джюз джууугъум болсун.
- Ётюрюкню башын керти кесер.
- Ашхы сёз таш тешер.
- Къая джолда джортма, ачыкъ сёзден къоркъма.
- Арба аугъандан сора, джол кёргюзтюучю кёб болур.
- Хата – гитчеден.
- Минг тенг да азды, бир джау да кёбдю.
- Ашын ашагъанынгы, башын да сыйла.
- Тилде сюек болмаса да, сюек сындырыр.
- Рысхы джалгъанды: келген да этер, кетген да этер.
- Хоншуну тауугъу къаз кёрюнюр, келини къыз кёрюнюр.
- Таула не мийик болсала да, аууш табылыр.
- Къонагъынгы артмагъын алма да, алгъышын ал.
- Джетген къыз джерли эшекни танымаз.
- Чомарт бергенин айтмаз.
- Аз сёлешген, къайгъысыз турур.
- Айтханы чапыракъдан ётмеген.
- Шайтан алдады, тюзлюк къаргъады.
- Арпа, будай – ащды, алтын, кюмюш а – ташды.
- Ауузу аманнга «иги», деме.
- Джашда акъыл джокъ, къартда къарыу джокъ.
- Къарнынг бла ёч алма.
- Ач къарынны, токъ билмез
- Юй ишлеген балта эшикде къалыр.
- Ачыу алгъа келсе, акъыл артха къалады.
- Бойнуму джети джерден кессенг да, мен ол ишни этеллик тюлме.
- Къарнынг къанлынга кийирир.
- Босагъа таш юйге кирмей эди, тыбыр таш эшикге чыкъмай эди.
- Къарнынг ауруса, ауузунгу тый
- Кийим тукъум сордурур.
- Кёрмегеннге кебек – танг, битмегеннге сакъал – танг.
- Тёгюлген тюгел джыйылмайды.
- Чабар ат – джетген къыз.
- Уруну арты – къуру.
- Байлыкъ болгъан джерде, тынчлыкъ джокъду.
- Этни да ашады, бетни да ашады.
Профиль
|
|
|||