- Джарлыны тону джаз битер.
- Биреуге аманлыкъ этиб, кесинге игилик табмазса.
- Ашхы атаны – джашы ашхы, ашхы ананы – къызы ашхы.
- Келинни – келгинчи, бёркню кийгинчи кёр.
- Биреуге кёлтюрген таягъынг, кесинги башынга урур.
- Ата Джуртуму башы болмасам да, босагъасында ташы болайым.
- Кесинге джетмегенни, кёб сёлешме.
- Адамны артындан къара сабан сюрме.
- Аман хансны – урлугъу кёб.
- Ашхы – джыяр, аман – джояр.
- Бир онгсуз адам адет чыгъарды, деб эштирик тюлсе.
- Элиб деген, элге болушур.
- Сормай – алма, чакъырылмай – барма.
- Арбаз сайлама да, хоншу сайла.
- Туз, гырджын аша, тюзлюк бла джаша.
- Байлыкъ адамны сокъур этер.
- Ариу сёз – къылычдан джити.
- Джуртун къоругъан озар.
- Тилчи тилден къаныкъмаз.
- Харам къарнашдан, халал тенг ашхы.
- Алгъанда – джууукъ, бергенде – джау.
- Билим – акъылны чырагъы.
- Джыгъылгъанны сырты джерден тоймаз.
- Ашлыкъны арба юйге келтирир, чана базаргъа элтир.
- Окъуусуз билим – джокъ, билимсиз кюнюнг – джокъ.
- Къарт айтханны этмеген, къартаймаз.
- Ойнай-ойнай кёз чыгъар.
- Юре билмеген ит, къонакъ келтирир.
- Ана кёлю – балада, бала кёлю – талада.
- Башы джабылгъан челекге, кир тюшмез.
- Айтылгъан сёз ызына къайтмаз.
- Аман къатын сабий табса, бий болур…
- Башынга джетмегенни сорма.
- Алма терегинден кери кетмез.
- «Ма», - дегенни билмесенг, «бер», - дегенни билмезсе.
- Къаллай салам берсенг, аллай джууаб алырса.
- Иги – алгъыш этер, аман – къаргъыш этер.
- Иги адамны бир сёзю эки болмаз.
- Адамны сабийин сюйген джюреги, бычакъча, джитиди.
- Сагъышы джокъ – джукъучу, акъылы джокъ – къаугъачы.
- Къарыусузгъа кюлме, онгсузгъа тийме.
- Баш – акъыл ючюн, акъылман – халкъ ючюн.
- Накъырда – кертини келечиси.
- Битмегеннге сакъал – танг.
- Аманнга игилик этсенг, юйюнге сау бармазса.
- Тойгъандан сора, ашны сёкме.
- Ачылгъан эт джабылыр, кёрген кёз унутмаз.
- Ариу сёз аурууунгу алыр.
- Джиби бир къат джетмей эди да, эки къат тарта эди.
- Тай асырагъан, атха минер.
Профиль
|
|
|
|||