- Тойну къарнашы – харс, джырны къарнашы – эжиу.
- Урама да – ёледи, сатама да – келеди.
- Гырджын – тепсини тамадасы.
- Эл элде бирер малынг болгъандан эсе, бирер тенгинг болсун.
- Тёрде – темир таякълы, къаяда – чыпчыкъ аякълы.
- Адамны сабийин сюйген джюреги, бычакъча, джитиди.
- Керилген да, ургъан кибикди.
- Къонакъ хазыр болгъанлыкъгъа, къонакъбай хазыр тюлдю.
- Байлыкъдан саулукъ ашхыды.
- Ауругъан – джашаудан умутчу.
- Арба аугъандан сора, джол кёргюзтюучю кёб болур.
- Ханы къызы буюгъа-буюгъа киштик болду.
- Ач бёрюге мекям джокъ.
- Ат да турмайды бир териде.
- Ариу сёз аурууунгу алыр.
- Башланнган иш битер, къымылдагъан тиш тюшер.
- Ушамагъан – джукъмаз.
- Ач келгенни – тойдур, кеч келгенни – къондур.
- Сууда джау джокъ, кёб сёзде магъана джокъ.
- Берекет берсин деген джерде, берекет болур.
- Тилчиден кери бол.
- Эри аманны, къатыны – аман.
- Киштикге къанат битсе, чыпчыкъ къалмаз эди.
- Ана кёлю – балада, бала кёлю – талада.
- Джумушакъ сёз къаты таякъны сындырыр.
- Алтыда кюлмеген, алтмышда кюлмез.
- Терслик кетер, тюзлюк джетер.
- Кеси юйюмде мен да ханма.
- Ётюрюк хапар аякъ тюбю бла джюрюйдю.
- Байны оноуу, джарлыгъа джарамаз.
- Кёбден умут этиб, аздан къуру къалма.
- Аманны эки битли тону болур, бирин сеннге кийдирир, бирин кеси киер.
- Насыблы элин сюер, насыбсыз кесин сюер.
- Дженгил джетерикме деб, узун джолну къоюб, къысхасын барма.
- Чомарт бергенин айтмаз.
- Джерни букъусу кёкге къонмаз.
- Сабыр джетер муратха, сабырсыз къалыр уятха.
- Ёпкелегенни ашы татлы болады.
- Ачылгъан эт джабылыр, кёрген кёз унутмаз.
- Тамбла алтындан бюгюн багъыр ашхы.
- Айтылгъан сёз ызына къайтмаз.
- Аш иеси бла татлыды.
- Ышармагъан – кюлмез, кюлмеген – къууанчны билмез.
- Сакъламагъан затынга джолукъсанг, не бек къууанаса, не бек ачыйса.
- Окъугъан – асыу, окъумагъан – джарсыу.
- Мени джылытмагъан кюн, меннге тиймесин!
- Ачлыкъда тары гырджын халыуадан татлы.
- Тойгъан джерден туугъан джер игиди.
- Тилсиз миллет джокъ болур.
- Джырчы ёлсе, джыры къалыр.
Профиль
|
|
|||