- Атадан ёксюз – бир ёксюз, анадан ёксюз – эки ёксюз.
- Ачылгъан эт джабылыр, кёрген кёз унутмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Акъылсызны джууукъгъа алма, акъыллыны кенгнге салма.
- Къыйынлы джети элге оноу этер.
- Айран тёгюлсе, джугъусу къалыр.
- Ёгюзню мюйюзлери ауурлукъ этмейдиле.
- Чакъырылмай келген къонакъ сыйланмай кетер.
- Агъач халкъгъа алтынды, иссиликге салкъынды.
- Бек анасы джыламаз.
- Чомартха Тейри да борчлуду.
- Джол бла сёзню къыйыры джокъ.
- Бет бетге къараса, бет да джерге къарар.
- Биреуню тёрюнден, кесинги эшик артынг игиди.
- Тёрдеги кюлсе, эшикдеги ышарыр.
- Къарнынг ауруса, ауузунгу тый
- Кюн – узун, ёмюр – къысха.
- Келинин тута билмеген, къул этер, къызын тута билмеген, тул этер.
- Ётген ёмюр – акъгъан суу.
- Иги сеники эсе да, сюйген кесимикин этеме.
- Джырчы джырчыгъа – къарнаш.
- Рысхы – сют юсюнде кёмюк кибикди.
- Булут кёкге джарашыу, уят бетге джарашыу.
- Телини эшигин, махтау джабар.
- Сыфатында болмагъаны, суратында болмаз.
- Адамны аты башхача, акъылы да башхады.
- Тёрени джагъы джокъ.
- Ашхы – джыяр, аман – джояр.
- Къан бла кирген, джан бла чыгъар.
- Арбаз къынгырды да, ийнек сауалмайма.
- Ауругъан – джашаудан умутчу.
- Таугъа чыгъаллыкъ эсенг, тюзде къалма.
- Мал тутхан – май джалар.
- Кёб джат да, бек чаб.
- Къууут – джелге, берне – бошха.
- Эрине къаргъыш этген къатын, эрнин къабар.
- Хата – гитчеден.
- Итли къонакъ джарашмаз.
- Джангыз торгъай джырламаз.
- Кёбню кёрген – кёб билир.
- Бозаны арты дауур болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тюзлюк шохлукъну бегитир.
- Иши джокъну, сыйы джокъ.
- Орундукъ тюбюнде атылсам да, орта джиликме, де да айлан.
- Aдам боллукъ, сыфатындан белгили.
- Эте билген, этген этеди, эте билмеген, юретген этеди!
- Сакъалы текени да бар, мыйыгъы киштикни да бар.
- Ашын ашагъанынгы, башын да сыйла.
- Окъуу – билимни ачхычы, окъуу – дунияны бачхычы.
Профиль
|
|
|||