- Мен да «сен», дейме, сен да «кесим», дейсе.
- Суугъа – таянма, джаугъа – ийнанма.
- Чомарт джарлы болмаз.
- Джолунга кёре – джюрюшюнг, джагъанга кёре – юлюшюнг.
- Окъуу – билимни ачхычы, окъуу – дунияны бачхычы.
- Ашыкъгъанны этеги бутуна чырмалыр.
- Сабийни джумушха джибер да, ызындан бар.
- Сагъышы джокъ – джукъучу, акъылы джокъ – къаугъачы.
- Айран ичген – къутулду, джугъусун джалагъан – тутулду.
- Иги сеники эсе да, сюйген кесимикин этеме.
- Ана къолу ачытмаз.
- Окъумагъан сокъурду, сокъур ташха абыныр!
- Соргъан айыб тюлдю, билмеген айыбды.
- Адам боллукъ, атламындан белгили болур.
- Кёрмегеннге кебек – танг, битмегеннге сакъал – танг.
- Мал тутхан – май джалар.
- Джол бла сёзню къыйыры джокъ.
- Ашхы – джыяр, аман – джояр.
- Итли къонакъ джарашмаз.
- Адамны бетине къарама, адетине къара.
- Къарт айтханны этмеген, къартаймаз.
- Адебни адебсизден юрен.
- Билмегенинги, билгеннге сор.
- Дуния аламаты сен эсенг да, игиме деб айтма.
- Хатерли къул болур.
- Алгъанда – джууукъ, бергенде – джау.
- Ачыу алгъа келсе, акъыл артха къалады.
- Ач келгенни – тойдур, кеч келгенни – къондур.
- Эринчекни аурууу – кёб.
- Ач къарынны, токъ билмез
- Телиге от эт десенг, юйюнге от салыр.
- Эри аманны, къатыны – аман.
- Азыгъы аз, алгъа къабар, аты аман, алгъа чабар.
- «Ма», - дегенни билмесенг, «бер», - дегенни билмезсе.
- Джигер – джаннга къыйынлыкъ.
- Юйюнгден чыкъдынг – кюнюнгден чыкъдынг.
- Зарда марда джокъ.
- Тойгъандан сора, ашны сёкме.
- Къызны минг тилер, бир алыр.
- Чомартны къолун джокълукъ байлар.
- Чакъырылмагъан къонакъ тёрге атламаз.
- Эркишини аманы тиширыуну джылатыр.
- Тура эдим джата, къайдан чыкъды хата?
- Татлы сёз – балдан татлы.
- Ашхы сёз таш тешер.
- Керти сёзге тёре джокъ.
- Дууулдаса – бал чибин, къонса – къара чибин.
- Кёбге таш атма.
- Таякъ этден ётер, тил сюекден ётер.
- Бети – къучакълар, джюреги – бычакълар.
Профиль
|
|
|||