- Таугъа чыгъаллыкъ эсенг, тюзде къалма.
- Атлыны кёрсе, джаяуну буту талыр.
- Айран тёгюлсе, джугъусу къалыр.
- Аз сёлеш, кёб ишле.
- Тойгъан антын унутур.
- Ашда уялгъан – мухар, ишде уялгъан – хомух.
- Сагъыш – къартлыкъгъа сюйюмчю.
- Биреуню тёрюнден, кесинги эшик артынг игиди.
- Босагъагъа джууукъ орун болса, ашыгъыб тёрге озма.
- Урама да – ёледи, сатама да – келеди.
- Сютню башын джалагъан къутулур, тюбюн ичген тутулур.
- Алма терегинден кери кетмез.
- Къаллай салам берсенг, аллай джууаб алырса.
- Ата джурт – алтын бешик.
- Ауругъаннга – кийик саулукъ, джетген къызгъа – чилле джаулукъ.
- Ач да бол, токъ да бол – намысынга бек бол.
- Ишлемеген – тишлемез.
- Тойгъан джерден туугъан джер игиди.
- Кийим тукъум сордурур.
- Ариу сёзде ауруу джокъ.
- Экеулен сёлеше тура эселе, орталарына барыб кирме.
- Аууздан келген, къолдан келсе, ким да патчах болур эди.
- Джашлыкъ этмеген, башлыкъ этмез.
- Бойнуму джети джерден кессенг да, мен ол ишни этеллик тюлме.
- Адамны аты башхача, акъылы да башхады.
- Тин – байлыгъынг, терен саулугъунг.
- Экеу тутушса, биреу джыгъылыр.
- Ата Джуртун танымагъан, атасын да танымаз.
- Аякъларынгы джууургъанынга кёре узат.
- Тил – миллетни джаны.
- Минг тенг да азды, бир джау да кёбдю.
- Аллахха ийнаннган кишини, Аллах онгдурур ишин.
- Чомарт къонакъ юй иесин сыйлар.
- Ач отунчуну ачыуу – бурнунда.
- Аджалсыз ёлюм болмаз.
- Ышармагъан – кюлмез, кюлмеген – къууанчны билмез.
- Къарнынг къанлынга кийирир.
- Ауругъанны сау билмез, ач къарынны токъ билмез.
- Кёпюр салгъан кеси ётер, уру къазгъан кеси кетер.
- Эки итни арасына сюек атма, эки адамны арасында сёз чыгъарма.
- Огъурлуну сёзю – суу, огъурсузну сёзю – уу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Арбаз къынгырды да, ийнек сауалмайма.
- Ашхы болсанг, атынг чыгъар, аман болсанг, джанынг чыгъар.
- Иги адам абынса да, джангылмаз.
- Ариу джол аджал келтирмез.
- Джюз элде джюз ёгюзюм болгъандан эсе, джюз джууугъум болсун.
- Ашаса, ашамаса да, бёрюню ауузу – къан.
- Ёгюзню мюйюзлери ауурлукъ этмейдиле.
- Нарт сёз къарт болмаз.
Профиль
|
Merdana
 Эльбрусоид
Cообщений: 1
Баллов: 0
Регистрация: 05.09.2012
Последний визит: 10.09.2012 02:37:21
|
|
||||||
|
|
|
||||||