- Адеби болмагъан къыз – тузсуз хант.
- Киштикге къанат битсе, чыпчыкъ къалмаз эди.
- Асхат ашлыкъ сата, юйдегиси ачдан къата.
- Айранын берсенг, челегин да къызгъанма.
- Тенгинг джокъ эсе – изле, бар эсе – сакъла!
- Джиби бир къат джетмей эди да, эки къат тарта эди.
- Тура эдим джата, къайдан чыкъды хата?
- Рысхы джалгъанды: келген да этер, кетген да этер.
- Къонагъынгы артмагъын алма да, алгъышын ал.
- Сютню башын джалагъан къутулур, тюбюн ичген тутулур.
- Джетген къыз джерли эшекни танымаз.
- Ана къолу ачытмаз.
- Артына баргъанны, къатына барма.
- Бек ашыкъгъан меннге джетсин, дегенди аракъы.
- Ач къарным, тынч къулагъым.
- Аякъларынгы джууургъанынга кёре узат.
- Адебсиз адам – джюгенсиз ат.
- Къозулугъунда тоймагъан, къойлугъунда тоймаз.
- Эринчекни аурууу – кёб.
- Биреу ашаб къутулур, биреу джалаб тутулур.
- Джарашыу сюйген – джалынчакъ.
- Ауругъаннга – кийик саулукъ, джетген къызгъа – чилле джаулукъ.
- Бир онгсуз адам адет чыгъарды, деб эштирик тюлсе.
- Джаханимни кёрмей, джандетге кёл салмазса.
- Халкъны джырын джырласанг, халкъ санга эжиу этер.
- Джогъун бар этген, барын бал этген.
- Билгенни къолу къарны джандырыр.
- Биреу къой излей, биреу той излей.
- Аман адам этегингден тутса, кес да къач.
- Ариуну – ауруу кёб.
- Окъуусуз билим – джокъ, билимсиз кюнюнг – джокъ.
- Къазанда болса, чолпугъа чыгъар.
- Ётюрюк хапар аякъ тюбю бла джюрюйдю.
- Бир абыннган – минг сюрюнюр.
- Ашда – бёрю, ишде – ёлю.
- Ата Джуртуму башы болмасам да, босагъасында ташы болайым.
- Атлыны ашхысы, ат тизгининден билинир
- Къонакъ аз олтурур, кёб сынар.
- Джуртун къоругъан озар.
- Ишлерге уял да, ашаргъа табма.
- Насыб бютеу халкъны юлюшюдю.
- Кюн кёрмеген, кюн кёрсе, кюндюз чыракъ джандырыр.
- Джылыгъа джылан илешир.
- Ач – эснер, ат – кишнер.
- Шайтан алдады, тюзлюк къаргъады.
- Къыз келсе, джумуш эте келеди, къатын келсе, ушакъ эте келеди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Башы ишлегенни, ауузу да ишлер.
- Акъдан къара болмаз.
- Юйюнгден чыкъдынг – кюнюнгден чыкъдынг.
Профиль
|
|
|||