- Къартха ушагъан джаш – акъыллы, джашха ушагъан къарт – тели.
- Окъдан джара эртде-кеч болса да бителир, сёз джара, ёмюрге къалыр.
- Ышармагъан – кюлмез, кюлмеген – къууанчны билмез.
- Къонакъ болсанг, ийнакъ бол.
- Къазанда болса, чолпугъа чыгъар.
- Алма терегинден кери кетмез.
- Сютню башын джалагъан къутулур, тюбюн ичген тутулур.
- Бозаны арты дауур болур.
- Окъуусуз билим – джокъ, билимсиз кюнюнг – джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Ариу сёзде ауруу джокъ.
- Эм уллу байлыкъ – джан саулукъ.
- Къонакъ аман болса, къонакъбай джунчур
- Мухар, кеси тойса да, кёзю тоймаз.
- Огъурлуну сёзю – суу, огъурсузну сёзю – уу.
- Шайтан алдады, тюзлюк къаргъады.
- Башынга джетмегенни сорма.
- Бетинги сатма, малынгы сат.
- Эл бла кёргенинг эрелей.
- Тёрени джагъы джокъ.
- Ач – эснер, ат – кишнер.
- Джолда аягъынга сакъ бол, ушакъда тилинге сакъ бол.
- Кимни – тили, тиши онглу, кимни – къолу, иши онглу.
- Аз сёлеш, кёб ишле.
- Атынг аманнга чыкъгъандан эсе, джанынг тамагъынгдан чыкъсын.
- Игиге айтсанг – билир, аманнга айтсанг – кюлюр.
- Айыбны суу бла джууалмазса.
- Ёлген ийнек сютлю болур.
- Аман адамны тепсинге олтуртсанг, къызынгы тилер.
- Зарда марда джокъ.
- Намыс сатылыб алынмайды.
- Къарны аманнга къазан такъдырма, къолу аманнга от джакъдырма.
- Этни бети бла шорпасы.
- Тик ёргени, тик энгишгеси да болады.
- Кёлсюзден сёзсюз тууар.
- Кийиминг бла танылма, адамлыкъ бла таныл.
- Адам сёзге тынгыла, акъыл сёзню ангыла.
- Уллу къазанда бишген эт, чий къалмаз.
- Къуллукъчума, деб махтанма, къуллукъ – хаух джамчыды!
- Экеу тутушса, биреу джыгъылыр.
- Адеби болмагъан къыз – тузсуз хант.
- Ачны эсинде – аш.
- Мал тутхан – май джалар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кирсизни – саны таза, халалны – къаны таза.
- Ишлемеген – тишлемез.
- Байлыкъ келсе, акъыл кетер.
- Мураты болгъанны джюрек тебюую башхады.
- Аман хансны – урлугъу кёб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72