- Иги бла джюрюсенг, джетерсе муратынга, аман бла джюрюсенг, къалырса уятха.
- Гыдай эчки суугъа къараб, мюйюзле кёрмесе, джашма алкъын, дегенди.
- Баргъанынга кёре болур келгенинг.
- Аш берме да, къаш бер.
- Джырына кёре эжиую.
- Сёз къанатсыз учар.
- Биреуню тёрюнден, кесинги эшик артынг игиди.
- Ашха уста, юйюнде болсун
- Джауумдан сора, кюн кюйдюрюр, ётюрюкден сора, айыб кюйдюрюр.
- Бозанг болмагъан джерге, къалагъынгы сукъма.
- Тюкюрюк баш джармаз, налат кёз чыгъармаз!
- Джашда акъыл джокъ, къартда къарыу джокъ.
- Таукел тауну аудурур.
- Билим ат болуб да чабар, къуш болуб да учар.
- Окъуусуз билим – джокъ, билимсиз кюнюнг – джокъ.
- Бал ашаргъа сюе эсенг, чибин ургъаннга тёз.
- Орундукъ тюбюнде атылсам да, орта джиликме, де да айлан.
- Накъырданы арты керти болур.
- Татлы тилде – сёз ариу, чемер къолда – иш ариу.
- Айранын берсенг, челегин да къызгъанма.
- Байлыкъ болгъан джерде, тынчлыкъ джокъду.
- Ашарыкъда сайлагъаннга – чий гырджын.
- Къарыусузгъа кюлме, онгсузгъа тийме.
- Къонакъ кёб келюучю юйню, къазаны отдан тюшмез.
- Юйлю уругъа ит чабмаз.
- Ишге юренсин къоллары, халкъ бла болсун джоллары.
- Хансыз джомакъ болмаз.
- Ёлмесенг да, къарт дамы болмазса?
- Ариу сёз – джаннга азыкъ, аман сёз – башха къазыкъ.
- Билимли ёлмез, билимсиз кёрмез.
- Биреу къой излей, биреу той излей.
- Айныгъанлы алты кюн, тогъайгъанлы тогъуз кюн.
- Акъыл бла адеб эгизледиле.
- Аш кетер да бет къалыр.
- Адамгъа аман кюн соруб келмейди.
- Билмейме деген – бир сёз
- Ётюрюкчюню шагъаты – къатында.
- Ариу сёз джыланны орнундан чыгъарыр.
- Сютню башын джалагъан къутулур, тюбюн ичген тутулур.
- Къайгъы тюбю – тенгиз.
- Мухардан ач ычхынмаз.
- Уясында не кёрсе, учханында аны этер.
- Ариу сёзде ауруу джокъ.
- Билим къая тешер.
- Эм ашхы къайын ана мамукъ бла башынгы тешер.
- Юйюнг бла джау болгъандан эсе, элинг бла джау бол.
- Таукел адам тау тешер.
- Джаралыны джастыгъында сау ёлюр.
- Ёгюзню мюйюзюнден тутадыла, адамны сёзюнден тутадыла.
- Юреннген ауруу къалмаз.
Профиль
|
|
|
|||