- Эки къатын алгъан – эки ташны ортасына башын салгъан.
- Кюн кёрмеген, кюн кёрсе, кюндюз чыракъ джандырыр.
- Байлыкъ тауусулур, билим тауусулмаз.
- Байлыкъ адамны сокъур этер.
- Биреуге кёлтюрген таягъынг, кесинги башынга урур.
- Кёпюр салгъан кеси ётер, уру къазгъан кеси кетер.
- Адеби болмагъан къыз – тузсуз хант.
- Ашхы сёз таш тешер.
- Тенгинг джокъ эсе – изле, бар эсе – сакъла!
- Иги – алгъыш этер, аман – къаргъыш этер.
- Ач да бол, токъ да бол – намысынга бек бол.
- Аш кетер да бет къалыр.
- Тиширыусуз юй – отсуз от джагъа.
- Къоркъакъны кёзю экили кёрюр.
- Джырына кёре эжиую.
- Кёрмегеннге кебек – танг, битмегеннге сакъал – танг.
- Ёлген аслан – сау чычхан.
- Миллетни бойну – базыкъ, аны бла кюрешген – джазыкъ.
- Кимни – тили, тиши онглу, кимни – къолу, иши онглу.
- Джангыз торгъай джырламаз.
- Мал тутхан – май джалар.
- Эринчекге кюн узун.
- Мухарны эси – ашарыкъда.
- Кенгеш болса, уруш болмаз.
- Сууда джау джокъ, кёб сёзде магъана джокъ.
- Хансыз джомакъ болмаз.
- Ишлегенден, къарагъан уста.
- Ашыкъгъанны этеги бутуна чырмалыр.
- Биреу ашаб къутулур, биреу джалаб тутулур.
- Айранны сюйген, ийнек тутар.
- Адамны аты башхача, акъылы да башхады.
- Ёлюк кебинсиз къалмаз.
- Таугъа чыгъаллыкъ эсенг, тюзде къалма.
- Рысхы – насыбха къор.
- Шекер бла туз – бир болмаз, ушамагъан – юй болмаз.
- Ач келгенни – тойдур, кеч келгенни – къондур.
- Джол бла сёзню къыйыры джокъ.
- Телини эшигин, махтау джабар.
- Айтылгъан буйрукъ, сёгюлмез
- Тюкюрюк баш джармаз, налат кёз чыгъармаз!
- Ойнай-ойнай кёз чыгъар.
- Къулакъдан эсе, кёзге ышан.
- Келлик заман – къартлыкъ келтирир, кетген заман – джашлыкъ ёлтюрюр.
- Кёб ант этген, кёб ётюрюк айтыр.
- Аманны эки битли тону болур, бирин сеннге кийдирир, бирин кеси киер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къанны къан бла джуума, аманны аман бла къуума.
- Бети бедерден, намыс сакълама.
- Бетинги сатма, малынгы сат.
- Джолунга кёре – джюрюшюнг, джагъанга кёре – юлюшюнг.
Профиль
|
|
|
|||