- Тау башында, тау болмаз, джангыз терек, бау болмаз.
- Душманны тышы – акъ, ичи – къара.
- Ачылгъан эт джабылыр, кёрген кёз унутмаз.
- Соргъан айыб тюлдю, билмеген айыбды.
- Джылар джаш, атасыны сакъалы бла ойнар.
- Кюн кёрмеген, кюн кёрсе, кюндюз чыракъ джандырыр.
- Ауругъанны сау билмез, ач къарынны токъ билмез.
- Элде адам къалмаса, ит тахтагъа минер.
- Адеб этмеген, адеб кёрмез.
- Аджашханны ызындагъы кёреди, джангылгъанны джанындагъы биледи.
- Джарлыны эшигин махтагъан джабар.
- Зар адам ашынгы ашар, кесинги сатар.
- Ёмюрлюк шохлукъну джел элтмез.
- Игилик игилик бла сингдирилиучю затды.
- Къонагъынгы артмагъын алма да, алгъышын ал.
- Бет бетге къараса, бет да джерге къарар.
- Ауузу бла къуш тута айланады.
- Ариу сёз – къылычдан джити.
- Махтаннган къыз, тойда джукълар.
- Иши джокъну, сыйы джокъ.
- Тилде сюек болмаса да, сюек сындырыр.
- Адамны аты башхача, акъылы да башхады.
- Ач, тоймам, дейди, тойгъан, ач болмам, дейди.
- Ашхылыкъ джерде джатмайды, аманлыкъ суугъа батмайды.
- Битмегеннге сакъал – танг.
- Кёкдеги болмаса, джердегин кёрмейди.
- Суугъа – таянма, джаугъа – ийнанма.
- Джангыз терек къынгыр ёсер.
- Эки къатын алгъанны къулагъы тынгнгаймаз.
- Чомартха Тейри да борчлуду.
- Ёгюзню мюйюзлери ауурлукъ этмейдиле.
- Чыкълы кюнде чыкъмагъан, чыкъса къуру кирмеген.
- Биреу ашаб къутулур, биреу джалаб тутулур.
- Адеби болмагъан къыз – тузсуз хант.
- Ашарыкъда сайлагъаннга – чий гырджын.
- Суу да къайтады чыкъгъан джерине.
- Бюгюн дуния кибик, тамбла ахыратды.
- Борчунг бар эсе, хурджунунга ойлаб узал.
- Билимсиз иш бармаз.
- Ашаса, ашамаса да, бёрюню ауузу – къан.
- Дууулдаса – бал чибин, къонса – къара чибин.
- Чакъырылмагъан къонакъ тёрге атламаз.
- Ёксюзню къалачы уллу кёрюнюр.
- Хаухну атма, ёнгкючню сатма.
- Келгинчи, къонакъ уялыр, келгенден сора, къонакъбай уялыр.
- Джырына кёре эжиую.
- Шапа кёб болса, аш татымсыз болур.
- Кёл ашады да, кеси ашады.
- Эм уллу байлыкъ – джан саулукъ.
- Чомартны къолун джокълукъ байлар.
Профиль
|
|
|||