- Татлы сёз – балдан татлы.
- Джеринден айырылгъан – джети джылар, джуртундан айырылгъан – ёлгюнчю джылар.
- Тешигини къатында, чычхан да батыр болур.
- Ауурну тюбю бла, дженгилни башы бла джюрюген.
- Бермеген къол, алмайды.
- Ач къарным, тынч къулагъым.
- Ётюрюкню къуйругъу – бир тутум.
- Чабакъсыз кёлге къармакъ салгъанлыкъгъа, чабакъ тутмазса.
- Хаухну атма, ёнгкючню сатма.
- Къаллай салам берсенг, аллай джууаб алырса.
- Къыз тиширыу кеси юйюнде да къонакъды.
- Ач – эснер, ат – кишнер.
- Аманнга игилик этсенг, юйюнге сау бармазса.
- Эм ашхы къайын ана мамукъ бла башынгы тешер.
- Аманны къуугъан, аманлыкъ табар.
- Къалгъан ишге къар джауар.
- Ёгюзню мюйюзлери ауурлукъ этмейдиле.
- Аджалсыз ёлюм болмаз.
- Чомартны къолу берекет.
- Биреу къой излей, биреу той излей.
- Джырына кёре эжиую.
- Магъанасыз сёз – тауушсуз сыбызгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Билгенни къолу къарны джандырыр.
- Эте билген, этген этеди, эте билмеген, юретген этеди!
- Айтылгъан буйрукъ, сёгюлмез
- Сууда джау джокъ, кёб сёзде магъана джокъ.
- Адам туугъан джеринде, ит тойгъан джеринде.
- Бал чибинни ургъаны – ачы, балы – татлы.
- Адеб базарда сатылмаз.
- Гугук кесини атын айтыб къычыргъанча, мен, мен деб нек тураса?
- Джигер – джаннга къыйынлыкъ.
- Сыфатында болмагъаны, суратында болмаз.
- Аллахдан тилесенг, кёб тиле.
- Чакъырылмагъан къонакъ – орунсуз.
- Садакъачыны джаны – къапчыгъында.
- Къозулугъунда тоймагъан, къойлугъунда тоймаз.
- Ауругъанны сау билмез, ач къарынны токъ билмез.
- Къайгъы тюбю – тенгиз.
- Джашда акъыл джокъ, къартда къарыу джокъ.
- Кёз – сюйген джерде, къол – ауругъан джерде.
- Юйюнгден чыкъдынг – кюнюнгден чыкъдынг.
- Ачлыкъда тары гырджын халыуадан татлы.
- Джылыгъа джылан илешир.
- Байма, деб да, къууанма, джарлыма, деб да, джылама.
- Рысхы джалгъанды: келген да этер, кетген да этер.
- Аманны тукъумуна къарама, игини тукъумун сорма.
- Къонакъ аман болса, къонакъбай джунчур
- Ата – билек, ана – джюрек!
- Тойгъан джерден туугъан джер игиди.
Профиль
|
|
|
|||