- Татлы тилде – сёз ариу, чемер къолда – иш ариу.
- Тойгъан джерге джети къайт.
- Ханнга да келеди хариблик.
- Къонакъ кёб келюучю юйню, къазаны отдан тюшмез.
- Сютден ауузу кюйген, суугъа юфгюре эди.
- Дууулдаса – бал чибин, къонса – къара чибин.
- Таукел тауну аудурур.
- Ёксюзню тилеги къабыл болур.
- Къобан да къуру да къобханлай турмайды, адам да къуру да патчахлай турмайды.
- Суу да къайтады чыкъгъан джерине.
- Хантына кёре тузу, юйюне кёре къызы.
- Ишлегенде эринме, ишде чолакъ кёрюнме.
- Аллахдан тилесенг, кёб тиле.
- Джашда акъыл джокъ, къартда къарыу джокъ.
- Къулакъдан эсе, кёзге ышан.
- Чабар ат – джетген къыз.
- Къартны сыйын кёрмеген, къартлыгъында сыйлы болмаз.
- Тай асырагъан, атха минер.
- Кюлме джашха – келир башха.
- Агъач халкъгъа алтынды, иссиликге салкъынды.
- Ётюрюкню башын керти кесер.
- Джашынгы кесинг юретмесенг, джашау юретир.
- Чомартха Тейри да борчлуду.
- Къонакъ аман болса, къонакъбай джунчур
- Сабыр джетер муратха, сабырсыз къалыр уятха.
- Кимни – тили, тиши онглу, кимни – къолу, иши онглу.
- Къоркъакъны кёзю экили кёрюр.
- Магъанасыз сёз – тауушсуз сыбызгъы.
- Ашхы – джыяр, аман – джояр.
- Элде адам къалмаса, ит тахтагъа минер.
- Ач къарынны, токъ билмез
- Эринчекни аурууу – кёб.
- Терслик кетер, тюзлюк джетер.
- Арбаз сайлама да, хоншу сайла.
- Башы ишлегенни, ауузу да ишлер.
- Къазанда болса, чолпугъа чыгъар.
- Бетинги сатма, малынгы сат.
- Атадан ёксюз – бир ёксюз, анадан ёксюз – эки ёксюз.
- Бал чибинни ургъаны – ачы, балы – татлы.
- Бал ашаргъа сюе эсенг, чибин ургъаннга тёз.
- Ашхылыкъ джерде джатмайды, аманлыкъ суугъа батмайды.
- Кюл тюбюндеги от кёрюнмейди.
- Тамырсыз терекге таянма – джыгъылырса.
- Болджал ишни бёрю ашар.
- Джылар джаш, атасыны сакъалы бла ойнар.
- Къумурсхала джыйылсала, пилни да джыгъадыла.
- Керилген да, ургъан кибикди.
- Ата джурт – алтын бешик.
- Кёбню кёрген – кёб билир.
- Борчунг бар эсе, хурджунунга ойлаб узал.
Профиль
|
|
|||