- Термилгенинги табмазса, кюлгенинге тюберсе.
- Арпа, будай – ащды, алтын, кюмюш а – ташды.
- Арбаз сайлама да, хоншу сайла.
- Аманнга да, игиге да оноусуз къатышма.
- Эте билген, этген этеди, эте билмеген, юретген этеди!
- Башсыз урчукъ тюзюне айланмаз.
- Джангызны оту джарыкъ джанмаз!
- Чакъырылмагъан джерге барма, чакъырылгъан джерден къалма.
- Аууз сакълагъан – джан сакълар.
- Алгъанда – джууукъ, бергенде – джау.
- Къызын тута билмеген, тул этер, джашын тута билмеген, къул этер.
- Экиндини кеч къылсанг, чабыб джетер ашхам.
- Ишлерге уял да, ашаргъа табма.
- Билмейме деген – бир сёз
- Сагъыш – къартлыкъгъа сюйюмчю.
- Таш бла ургъанны, аш бла ур.
- Ашыкъгъанны этеги бутуна чырмалыр.
- Этни да ашады, бетни да ашады.
- Иши джокъну, сыйы джокъ.
- Джангыз торгъай джырламаз.
- Къуру гыбыт бек дыгъырдар.
- Сибиртки да сыйлы болду, кюрек да кюнлю болду.
- Ач отунчуну ачыуу – бурнунда.
- Акъылсызны джууукъгъа алма, акъыллыны кенгнге салма.
- Сууда джау джокъ, кёб сёзде магъана джокъ.
- Кёбню кёрген – кёб билир.
- Юй кюйдю да, кюйюз чыкъды, ортасындан тюйюш чыкъды.
- Гырджын – тепсини тамадасы.
- Ёлген эшек бёрюден къоркъмайды.
- Эрине къаргъыш этген къатын, эрнин къабар.
- Ашхы адам – халкъ байлыгъы, ашхы джер – джашау байлыгъы.
- Джангыз терек къынгыр ёсер.
- Бастасын ашагъан, хантусун да ичер.
- Адамны аты башхача, акъылы да башхады.
- Арыгъан къош чамчы болур.
- Ишлегенде эринме, ишде чолакъ кёрюнме.
- Джашынгы кесинг юретмесенг, джашау юретир.
- Айтылгъан буйрукъ, сёгюлмез
- Тёзген – тёш ашар!
- Окъуу – билимни ачхычы, окъуу – дунияны бачхычы.
- Телиге от эт десенг, юйюнге от салыр.
- Кенгеш болса, уруш болмаз.
- Тили узунну, намысы – къысха.
- Байлыкъ болгъан джерде, тынчлыкъ джокъду.
- Зарда марда джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Джаш къарыу бла кючлю, къарт акъыл бла кючлю.
- Арба аугъандан сора, джол кёргюзтюучю кёб болур.
- Аз сёлешген, къайгъысыз турур.
- Сескекли кесин билдирир.
Профиль
|
||||