- Тилчи тилден къаныкъмаз.
- Чомарт къолда мал къалмаз.
- Эл тойса, тоймагъан, эл къойса, къоймагъан.
- Ёгюзню мюйюзлери ауурлукъ этмейдиле.
- Шайтан алдады, тюзлюк къаргъады.
- Орундукъ тюбюнде атылсам да, орта джиликме, де да айлан.
- Къарын къуру болса, джюрек уру болур.
- Билим къая тешер.
- Эшекни не къадар тюйсенг да, ат болмаз.
- Билгенни къолу къарны джандырыр.
- Ёксюзню тилеги къабыл болур.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Гугук кесини атын айтыб къычыргъанча, мен, мен деб нек тураса?
- Чыкълы кюнде чыкъмагъан, чыкъса къуру кирмеген.
- Сабий болмагъан джерде, мёлек болмаз.
- Къан бла кирген, джан бла чыгъар.
- Къарны аманнга къазан такъдырма, къолу аманнга от джакъдырма.
- Къазанда болса, чолпугъа чыгъар.
- Тили узунну, намысы – къысха.
- Ётюрюкню башын керти кесер.
- Нёгерсизни джолу узун.
- Ишлегенде эринме, ишде чолакъ кёрюнме.
- Тёрде – темир таякълы, къаяда – чыпчыкъ аякълы.
- Адамны сыфатына къарама, сёзюне къара.
- Байлыкъ болгъан джерде, тынчлыкъ джокъду.
- Сёз къанатсыз учар.
- Дуния малгъа сатылма, кесингден телиге къатылма.
- Кийим тукъум сордурур.
- Къонакъны къачан кетерин сорма, къачан келлигин сор.
- Айранны сюйген, ийнек тутар.
- Къартха ушагъан джаш – акъыллы, джашха ушагъан къарт – тели.
- Айтханы чапыракъдан ётмеген.
- Этни бети бла шорпасы.
- Къарнынг бла ёч алма.
- Тёрдеги кюлсе, эшикдеги ышарыр.
- Борчунг бар эсе, хурджунунга ойлаб узал.
- Къулакъдан эсе, кёзге ышан.
- Экеу тутушса, биреу джыгъылыр.
- Кесине оноу эте билмеген, халкъына да эте билмез.
- Алгъанда – джууукъ, бергенде – джау.
- Арбаз сайлама да, хоншу сайла.
- Чакъырылмагъан къонакъ тёрге атламаз.
- Уллу айтханны этмеген – уллаймаз.
- Соргъан айыб тюлдю, билмеген айыбды.
- Акъыл къартда, джашда тюйюлдю – башдады.
- Таукел адам тау тешер.
- Джахил болса анасы, не билликди баласы?
- Джыгъылгъанны сырты джерден тоймаз.
- Ишге юренсин къоллары, халкъ бла болсун джоллары.
Профиль
|
|
|||