- Акъыллы эркиши атын махтар, акъылсыз эркиши къатынын махтар.
- Джюрекден джюрекге джол барды.
- Ётюрюк хапар аякъ тюбю бла джюрюйдю.
- Терслик кетер, тюзлюк джетер.
- Ач къалгъандан, кеч къалгъан къолай.
- Ач да бол, токъ да бол – намысынга бек бол.
- От этилмеген джерден тютюн чыкъмайды.
- Къуллукъчума, деб махтанма, къуллукъ – хаух джамчыды!
- Къолунгдан къуймакъ ашатсанг да, атаны борчундан къутулмазса.
- Керти сёзге тёре джокъ.
- Ашхы тенг джолгъа салыр, аман тенг джолдан тайдырыр.
- Хаухну атма, ёнгкючню сатма.
- Къонагъынгы артмагъын алма да, алгъышын ал.
- Ашатыргъа иш – ашхы, ишлетирге аш – ашхы.
- Мадар болса, къадар болур.
- Иги – алгъыш этер, аман – къаргъыш этер.
- Тойгъа алгъа да барма, тойда артха да къалма.
- Суу кетер, таш къалыр.
- Душманны тышы – акъ, ичи – къара.
- Ач, тоймам, дейди, тойгъан, ач болмам, дейди.
- Эки итни арасына сюек атма, эки адамны арасында сёз чыгъарма.
- Тойчу джашха къарама, къойчу джашха къара.
- Нафысынгы айтханын этме, намысынгы айтханын эт.
- Чомартха хар кюн да байрамды.
- Рысхы – насыбха къор.
- Бал чибинни ургъаны – ачы, балы – татлы.
- Битмегеннге сакъал – танг.
- Сагъыш – къартлыкъгъа сюйюмчю.
- Огъурлуну сёзю – суу, огъурсузну сёзю – уу.
- Бетинги сатма, малынгы сат.
- Этни да ашады, бетни да ашады.
- Къалгъан ишге къар джауар.
- Джаз бир кюнню джатсанг, къыш талай кюнню абынырса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарнынг бла ёч алма.
- Киштикге къанат битсе, чыпчыкъ къалмаз эди.
- Къазанда болса, чолпугъа чыгъар.
- Арба аугъандан сора, джол кёргюзтюучю кёб болур.
- Къар – келтирди, суу – элтди.
- Биреуге аманлыкъ этиб, кесинге игилик табмазса.
- Ётюрюкню башын керти кесер.
- Джюрек кёзден алгъа кёрюр.
- Ач отунчуну ачыуу – бурнунда.
- Аджаллыгъа окъсуз шкок атылыр.
- Нёгер болсанг, тенг бол, тенг болмасанг, кенг бол.
- Акъыл къартда, джашда тюйюлдю – башдады.
- Бюгюн дуния кибик, тамбла ахыратды.
- Сабыр джетер муратха, сабырсыз къалыр уятха.
- Башда акъыл болмаса, эки аякъгъа кюч джетер.
- Тенгинг джокъ эсе – изле, бар эсе – сакъла!
Профиль
|
|
|
|||