- Сёлеш деб шай берген, тохта деб, сом берген.
- Къайгъыны сюйген, къайгъы табар.
- Ойнаб айтсанг да, эслеб айт.
- Байдан умут эте, джарлыдан ёгюз багъасы къорады.
- Биреуге кёлтюрген таягъынг, кесинги башынга урур.
- Баш болса, бёрк табылыр.
- Ач, тоймам, дейди, тойгъан, ач болмам, дейди.
- Суу да къайтады чыкъгъан джерине.
- Тёрде – темир таякълы, къаяда – чыпчыкъ аякълы.
- Эртде тургъан джылкъычыны эркек аты тай табар.
- Чомарт къонакъ юй иесин сыйлар.
- Халкъгъа джарагъан, джарлы къалмаз.
- Башынга джетмегенни сорма.
- Къызгъанчдан ычхыныр, мухардан ычхынмаз.
- Халкъны джырын джырласанг, халкъ санга эжиу этер.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ – орунсуз.
- Юйюнг бла джау болгъандан эсе, элинг бла джау бол.
- Ёлмесенг да, къарт дамы болмазса?
- Чомарт бергенин айтмаз.
- Джырчы ёлсе, джыры къалыр.
- Орундукъ тюбюнде атылсам да, орта джиликме, де да айлан.
- Ата – билек, ана – джюрек!
- Ашхы болсанг, атынг чыгъар, аман болсанг, джанынг чыгъар.
- Танг атмайма десе да, кюн къоярыкъ тюйюлдю.
- Тюзлюк шохлукъну бегитир.
- Сагъышы джокъ – джукъучу, акъылы джокъ – къаугъачы.
- Халкъны юйю – туугъан джери.
- Бозаны арты дауур болур.
- Намысы джокъну – дуниясы джокъ.
- Джаш къарыу бла кючлю, къарт акъыл бла кючлю.
- Къарнынг ауруса, ауузунгу тый
- Кийимни бир кюнню аясанг, минг кюннге джарар.
- Ишин билген, аны сыйын чыгъарады.
- Аджашхан тёгерек айланыр.
- Эл тойса, тоймагъан, эл къойса, къоймагъан.
- Аш хазыр болса, иш харам болур.
- Ёгюзню мюйюзюнден тутадыла, адамны сёзюнден тутадыла.
- Айран тёгюлсе, джугъусу къалыр.
- Ёлген эшек бёрюден къоркъмайды.
- Атадан ёксюз – бир ёксюз, анадан ёксюз – эки ёксюз.
- Айтханы чапыракъдан ётмеген.
- Джашны джигитлиги сорулур, къызны джигерлиги сорулур.
- Къарт болгъан джерде, берекет болур, сабий болгъан джерде, оюн болур.
- Чакъырылмагъан джерге барма, чакъырылгъан джерден къалма.
- Алтыннга тот къонмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аманны къуугъан, аманлыкъ табар.
- Къонакъ болсанг, ийнакъ бол.
- Ачны эсинде – аш.
Профиль
|
|
|||