- Акъыллы – эл иеси, тели – эл баласы.
- Сёз къанатсыз учар.
- Тулпарлыкъ, билекден тюл – джюрекден.
- Бастасын ашагъан, хантусун да ичер.
- Бал ашаргъа сюе эсенг, чибин ургъаннга тёз.
- Тойгъан джерден туугъан джер игиди.
- Шайтан алдады, тюзлюк къаргъады.
- Ариу сёз – къылычдан джити.
- Къарыусузгъа кюлме, онгсузгъа тийме.
- Ишленмеклик адамлыкъды.
- Бал – татлы, балдан да бала – татлы.
- Джыйырма къойну юч джыйырма эбзе кюте эди.
- Эски джаугъа ышанма.
- Ауругъаннга – кийик саулукъ, джетген къызгъа – чилле джаулукъ.
- Ойнай-ойнай кёз чыгъар.
- Джумушакъ терекни къурт ашар.
- Дуния малгъа сатылма, кесингден телиге къатылма.
- Джолунга кёре – джюрюшюнг, джагъанга кёре – юлюшюнг.
- Ишин билген, аны сыйын чыгъарады.
- Тилчи тилден къаныкъмаз.
- Кёз – сюйген джерде, къол – ауругъан джерде.
- Аш иеси бла татлыды.
- Къарт бла баш аша, джаш бла аякъ аша.
- Ашхы – джыяр, аман – джояр.
- Ач къарным, тынч къулагъым.
- Чакъырылмагъан джерге барма, чакъырылгъан джерден къалма.
- Бет бетге къараса, бет да джерге къарар.
- Ышармагъан – кюлмез, кюлмеген – къууанчны билмез.
- Эл элде бирер малынг болгъандан эсе, бирер тенгинг болсун.
- Насыб бютеу халкъны юлюшюдю.
- Билими азны – ауузунда кирит.
- Кёкдеги болмаса, джердегин кёрмейди.
- Ойнай билмеген, уруб къачар.
- Келинни – келгинчи, бёркню кийгинчи кёр.
- Айтылгъан сёз ызына къайтмаз.
- Ашхы адам – халкъ байлыгъы, ашхы джер – джашау байлыгъы.
- Биреу ашаб къутулур, биреу джалаб тутулур.
- Хазыр ашха – терен къашыкъ.
- Къыйынлы джети элге оноу этер.
- Къуллукъчума, деб махтанма, къуллукъ – хаух джамчыды!
- Айтхан сёзюне табылгъан.
- Эки ойлашыб, бир сёлешген.
- Кёб джат да, бек чаб.
- Сыфатында болмагъаны, суратында болмаз.
- Атлыны кёрсе, джаяуну буту талыр.
- Сабыр джетер муратха, сабырсыз къалыр уятха.
- Таукелге нюр джауар.
- Къазанны башы ачыкъ болса, итге уят керекди.
- Тау башында, тау болмаз, джангыз терек, бау болмаз.
- Ойнай билмеген, оюн бузар.
Профиль
|
|
|
|||