- Олтуруб кёрюнмей эди да, ёрге туруб кёрюне эди.
- Бек анасы джыламаз.
- Ашхылыкъ джерде джатмайды, аманлыкъ суугъа батмайды.
- Чакъырылмагъан къонакъ – орунсуз.
- Кёпюр салгъан кеси ётер, уру къазгъан кеси кетер.
- Уруну арты – къуру.
- Чомарт бергенин айтмаз.
- Ёзденликни джайгъан – джокълукъ.
- Махтаннган къыз, тойда джукълар.
- Джумушакъ сёз къаты таякъны сындырыр.
- Тамчы таш тешер.
- Кёзден кетген, кёлден да кетеди.
- Чакъырылмагъан джерге барма, чакъырылгъан джерден къалма.
- Джарлы тюеге минсе да, ит къабар.
- Тенги кёбню джау алмаз, акъылы кёбню дау алмаз.
- Ётюрюкню башын керти кесер.
- Ёксюзню тилеги къабыл болур.
- Арбаз сайлама да, хоншу сайла.
- Миллетни бойну – базыкъ, аны бла кюрешген – джазыкъ.
- Эртде тургъан бла эртде юйленнген сокъуранмаз.
- Шекер бла туз – бир болмаз, ушамагъан – юй болмаз.
- Чакъырылгъанны аты, чакъырылмагъанны багъасы болур.
- Арыгъан къош чамчы болур.
- Эм ашхы къайын ана мамукъ бла башынгы тешер.
- Татлы тилде – сёз ариу, чемер къолда – иш ариу.
- Айранны сюйген, ийнек тутар.
- Сабий болмагъан джерде, мёлек болмаз.
- Алтыннга тот къонмаз.
- Чомартны къолу берекет.
- Кюн кёрмеген, кюн кёрсе, кюндюз чыракъ джандырыр.
- Ашатыргъа иш – ашхы, ишлетирге аш – ашхы.
- Ёлюк кебинсиз къалмаз.
- Чакъырылмай келген къонакъ сыйланмай кетер.
- Зарда марда джокъ.
- Тыш элде солтан болгъандан эсе, кесинги элде олтан болгъан игиди!
- Тойгъандан сора, ашны сёкме.
- Джиби бир къат джетмей эди да, эки къат тарта эди.
- Ашыкъгъан cуу, тенгизге джетмез.
- Ёксюзню къалачы уллу кёрюнюр.
- Ач бёрюге мекям джокъ.
- Джашда акъыл джокъ, къартда къарыу джокъ.
- Адам къаллай бир ишленмесе, аллай бир кесин уллу кёреди.
- Гырджын – тепсини тамадасы.
- Джылыгъа джылан илешир.
- Юре билмеген ит, къонакъ келтирир.
- Тил джюрекге джол ишлейди.
- Элиб деген, элге болушур.
- Баш – акъыл ючюн, акъылман – халкъ ючюн.
- Адамны аты башхача, акъылы да башхады.
- Эркиши – от, тиширыу – суу.
Профиль
|
|
|
|||