- Азыкъ аз болса, эртде орун сал.
- Келинин тута билмеген, къул этер, къызын тута билмеген, тул этер.
- Аш иеси бла татлыды.
- Байлыкъдан саулукъ ашхыды.
- Аджал соруб келмез, келсе, къайтыб кетмез.
- Айраннга суу къош, телиге джол бош.
- Байны оноуу, джарлыгъа джарамаз.
- Тилде сюек болмаса да, сюек сындырыр.
- Бозанг болмагъан джерге, къалагъынгы сукъма.
- Аман къатын сабий табса, бий болур…
- Тенгинг джокъ эсе – изле, бар эсе – сакъла!
- Ата Джуртуму башы болмасам да, босагъасында ташы болайым.
- Юреннген ауруу къалмаз.
- Илму – джашауну джолу.
- Гугук кесини атын айтыб къычыргъанча, мен, мен деб нек тураса?
- Чомарт къонакъ юй иесин сыйлар.
- Ач отунчуну ачыуу – бурнунда.
- Адамны сыфатына къарама, сёзюне къара.
- Аджашхан тёгерек айланыр.
- Къонакъ аман болса, къонакъбай джунчур
- Тилчиден кери бол.
- Къарыусузгъа кюлме, онгсузгъа тийме.
- Кёзюнде тереги болгъан, чёбю болгъаннга кюле эди.
- Бети бедерден, намыс сакълама.
- Къозулугъунда тоймагъан, къойлугъунда тоймаз.
- Сёз сёзню айтдырыр.
- Ач уят къоймаз.
- Ата джурт – алтын бешик.
- Уллу сёлешме да, уллу къаб.
- Кюлме джашха – келир башха.
- Сёз къанатсыз учар.
- Эртде тургъан бла эртде юйленнген сокъуранмаз.
- Тик ёргени, тик энгишгеси да болады.
- Махтаннган къыз, тойда джукълар.
- Хар сёзню орну барды.
- Эллинг бла джау болсанг да, юйюнг бла джау болма.
- Акъдан къара болмаз.
- Гырджын – тепсини тамадасы.
- Къолунгдан къуймакъ ашатсанг да, атаны борчундан къутулмазса.
- Ариу – кёзге, акъыл – джюрекге.
- Джигер – джаннга къыйынлыкъ.
- Тойгъа барсанг, тоюб бар, эски тонунгу къоюб бар.
- Узун джолну барсанг, бюгюн келирсе, къысха джолну барсанг, тамбла келирсе.
- Сагъыш – къартлыкъгъа сюйюмчю.
- Кирсизни – саны таза, халалны – къаны таза.
- Къулакъдан эсе, кёзге ышан.
- Джюрек кёзден алгъа кёрюр.
- Арба аугъандан сора, джол кёргюзтюучю кёб болур.
- Тойгъанлыкъ къойгъа джарашады.
- Кёлсюзден сёзсюз тууар.
Профиль
|
|
|||