- Къыз чыгъаргъан – къызыл къымжа.
- Джарлы тюеге минсе да, ит къабар.
- Окъумагъан сокъурду, сокъур ташха абыныр!
- Таукелге нюр джауар.
- Ишни ахырын ойламай, аллын башлама.
- Сагъышы джокъ – джукъучу, акъылы джокъ – къаугъачы.
- Суу кетер, таш къалыр.
- Къарнынг ауруса, ауузунгу тый
- Тойгъан джерге джети къайт.
- Эки итни арасына сюек атма, эки адамны арасында сёз чыгъарма.
- Тил – миллетни джаны.
- Хантына кёре тузу, юйюне кёре къызы.
- Хар ишни да аллы къыйынды.
- Биреу ашаб къутулур, биреу джалаб тутулур.
- Сабийни джумушха джибер да, ызындан бар.
- Гыдай эчки суугъа къараб, мюйюзле кёрмесе, джашма алкъын, дегенди.
- Эринчекни аурууу – кёб.
- Джюрек кёзден алгъа кёрюр.
- Аз айтсам, кёб ангылагъыз.
- Таш ата билмеген, башына урур.
- «Ёгюз, джаргъа джууукъ барма, меннге джюк боллукъса», - дегенди эшек.
- Къарыусузгъа кюлме, онгсузгъа тийме.
- Тёзген – тёш ашар!
- Джеринден айырылгъан – джети джылар, джуртундан айырылгъан – ёлгюнчю джылар.
- «Ма», - дегенни билмесенг, «бер», - дегенни билмезсе.
- Эркишини аманы тиширыуну джылатыр.
- Этим кетсе да, сюегим къалыр.
- Иги сёз – джаннга азыкъ, аман сёз башха – къазыкъ.
- Аман адам элни бир-бирине джау этер.
- Бозаны арты дауур болур.
- Тенги кёбню джау алмаз, акъылы кёбню дау алмаз.
- Джарлыны тону джаз битер.
- Аууз сакълагъан – джан сакълар.
- Бет бетге къараса, бет да джерге къарар.
- Ашхы атаны – джашы ашхы, ашхы ананы – къызы ашхы.
- Рысхысына кёре, джаш ёсер, къышлыгъына кёре, мал ёсер.
- Къыйынлы джети элни къайгъысын этер.
- Алим болгъандан эсе, адам болгъан къыйынды.
- Ёпкелегенни ашы татлы болады.
- Тамбла алтындан бюгюн багъыр ашхы.
- Ашаса, ашамаса да, бёрюню ауузу – къан.
- Кёб ант этген, кёб ётюрюк айтыр.
- Тилчиден кери бол.
- Къууут – джелге, берне – бошха.
- Адам туугъан джеринде, ит тойгъан джеринде.
- Ашда – бёрю, ишде – ёлю.
- Джукъу тёшек сайламайды.
- Билеги кючлю, бирни джыгъар, билими кючлю, мингни джыгъар.
- Тили узунну, намысы – къысха.
- Эски джаугъа ышанма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72