- Ётюрюкню къуйругъу – бир тутум.
- Атлыны кёрсе, джаяуну буту талыр.
- Аджаллыгъа окъсуз шкок атылыр.
- Ашхы адам – халкъ байлыгъы, ашхы джер – джашау байлыгъы.
- Джуртун къоругъан озар.
- Кютгени беш эчки, сызгъыргъаны уа, джерни джарады.
- Аш кетер да бет къалыр.
- Тили узунну, намысы – къысха.
- Тил – кесген бычакъ, сёз – атылгъан окъ.
- Тойгъа барсанг, тоюб бар, эски тонунгу къоюб бар.
- Иги джашны ышаны – аз сёлешиб, кёб тынгылар.
- Этим кетсе да, сюегим къалыр.
- Бермеген къол, алмайды.
- Бети бедерден, намыс сакълама.
- Таякъ этден ётер, тил сюекден ётер.
- Ким бла джюрюсенг, аны кёзю бла кёрюнюрсе.
- Эски джаугъа ышанма.
- Къонакъ хазыр болгъанлыкъгъа, къонакъбай хазыр тюлдю.
- Бек анасы джыламаз.
- Ашлыкъ – бюртюкден, джюн – тюкден.
- Къонагъы джокъну – шоху джокъ.
- Джукъу тёшек сайламайды.
- Байдан умут эте, джарлыдан ёгюз багъасы къорады.
- Билим къая тешер.
- Ёзденликни кёбю ётюрюк.
- Тура эдим джата, къайдан чыкъды хата?
- Джан саулукъ бермей, сан саулукъ бермезсе.
- Уруну арты – къуру.
- Къартны бурнун сюрт да, оноугъа тут.
- Акъыллы айтыр эди, акъылсыз къоймайды.
- Адамны артындан къара сабан сюрме.
- Бет бетге къараса, бет да джерге къарар.
- Ёксюзню тилеги къабыл болур.
- Байлыкъ келсе, акъыл кетер.
- Кёпюр салгъан кеси ётер, уру къазгъан кеси кетер.
- Чабакъ башындан чирийди.
- Чомарт къолда мал къалмаз.
- Ойнай билмеген, оюн бузар.
- Суу ичген шауданынга тюкюрме.
- Минг тенг да азды, бир джау да кёбдю.
- Ашха уста, юйюнде болсун
- Тилчи бир сагъатха айлыкъ хата этер.
- Чабар ат – джетген къыз.
- Ач, тоймам, дейди, тойгъан, ач болмам, дейди.
- Баргъанынга кёре болур келгенинг.
- Ауругъанны сау билмез, ач къарынны токъ билмез.
- Эли джокъну – кёлю джокъ.
- Бичгенде ашыкъма, тикгенде ашыкъ.
- Чомарт къонакъ юй иесин сыйлар.
- Дуния аламаты сен эсенг да, игиме деб айтма.
Профиль
|
|
|||