- Эл бла кёргенинг эрелей.
- Кюлме джашха – келир башха.
- Аджашхан тёгерек айланыр.
- Башынга джетмегенни сорма.
- Сыфатында болмагъаны, суратында болмаз.
- Билим къая тешер.
- Биреу ашаб къутулур, биреу джалаб тутулур.
- Сёлеш деб шай берген, тохта деб, сом берген.
- Адам сёзюнден белгили.
- Къазанчы аман болса, къазаны къайнамаз.
- Эртде тургъан джылкъычыны эркек аты тай табар.
- Акъыллы эркиши атын махтар, акъылсыз эркиши къатынын махтар.
- Адамны сабийин сюйген джюреги, бычакъча, джитиди.
- Ишлегенден, къарагъан уста.
- Адам сёзге тынгыла, акъыл сёзню ангыла.
- Чоюнну башы ачыкъ болса, итге уят керекди.
- Биреуге аманлыкъны тилеме да, кесинге ашхылыкъны тиле.
- Джан саулукъ бермей, сан саулукъ бермезсе.
- Къайтырыкъ эшигинги, къаты уруб чыкъма.
- Ашхы сёз таш тешер.
- Дженгил джетерикме деб, узун джолну къоюб, къысхасын барма.
- Алтыннга тот къонмаз.
- Уруну арты – къуру.
- Къалгъан ишге къар джауар.
- Къыйынлы джети элге оноу этер.
- Бёрю да ач къалмасын, эчки да ашалмасын.
- Ачыкъ джюрекге джол – ачыкъ.
- Нарт сёз – тилни бети.
- Ёксюзню къалачы уллу кёрюнюр.
- Халкъны юйю – туугъан джери.
- Аман хансны – урлугъу кёб.
- Чакъырылмагъан къонакъ – орунсуз.
- Къулакъдан эсе, кёзге ышан.
- Къая джолда джортма, ачыкъ сёзден къоркъма.
- Ат басханны джер билед.
- Къоркъакъны кёзю экили кёрюр.
- Къызны минг тилер, бир алыр.
- Аш кетер да бет къалыр.
- Ашаса, ашамаса да, бёрюню ауузу – къан.
- Суугъа – таянма, джаугъа – ийнанма.
- Къаллай салам берсенг, аллай джууаб алырса.
- Байма, деб да, къууанма, джарлыма, деб да, джылама.
- От этилмеген джерден тютюн чыкъмайды.
- Тенгинг джокъ эсе – изле, бар эсе – сакъла!
- Ойнай-ойнай кёз чыгъар.
- Арба аугъандан сора, джол кёргюзтюучю кёб болур.
- Келинни – келгинчи, бёркню кийгинчи кёр.
- Чабар ат – джетген къыз.
- Эте билген, этген этеди, эте билмеген, юретген этеди!
- Ауузу аманнга «иги», деме.
Профиль
|
|
|
|||