- Aдам боллукъ, сыфатындан белгили.
- Ач отунчуну ачыуу – бурнунда.
- Мураты болгъанны джюрек тебюую башхады.
- Тойгъандан сора, ашны сёкме.
- Абынмазлыкъ аякъ джокъ, джангылмазлыкъ джаякъ джокъ.
- Этим кетсе да, сюегим къалыр.
- Суугъа – таянма, джаугъа – ийнанма.
- Ач, тоймам, дейди, тойгъан, ач болмам, дейди.
- Кёзю сокъурдан – къоркъма, кёлю сокъурдан – къоркъ.
- Биреу къой излей, биреу той излей.
- Къарт бла баш аша, джаш бла аякъ аша.
- Тёзгеннге, джабылгъан эшик ачылыр.
- Чомарт къолда мал къалмаз.
- Агъач – джерни чырайы, кийим – эрни чырайы.
- Окъ къызбайны джокълайды.
- Ёгюзню мюйюзюнден тутадыла, адамны сёзюнден тутадыла.
- Атлыны кёрсе, джаяуну буту талыр.
- Тенгинг джокъ эсе – изле, бар эсе – сакъла!
- Ётген ёмюр – акъгъан суу.
- Артына баргъанны, къатына барма.
- Нафысынгы айтханын этме, намысынгы айтханын эт.
- Джети тилни билген джети кишиди.
- Тойгъа барсанг, тоюб бар, эски тонунгу къоюб бар.
- Ишленмеклик адамлыкъды.
- Аууздан келген, къолдан келсе, ким да патчах болур эди.
- Шайтан алдады, тюзлюк къаргъады.
- Чомартха Тейри да борчлуду.
- Хансыз джомакъ болмаз.
- Бал ашаргъа сюе эсенг, чибин ургъаннга тёз.
- Ач уят къоймаз.
- Эл бла кёргенинг эрелей.
- Орну джокъну – сыйы джокъ.
- Айранны сюйген, ийнек тутар.
- Таш бла ургъанны, аш бла ур.
- Къызны минг тилер, бир алыр.
- Экеу тутушса, биреу джыгъылыр.
- Юйлю уругъа ит чабмаз.
- Эм уллу байлыкъ – джан саулукъ.
- Уруну арты – къуру.
- Къуру гыбыт бек дыгъырдар.
- Джарлы тюеге минсе да, ит къабар.
- Къатыны харакетли болса, эри къымсыз болур.
- Сууда джау джокъ, кёб сёзде магъана джокъ.
- Мал ёлсе, сюек къалыр, адам ёлсе, иши къалыр.
- Ашлыкъны арба юйге келтирир, чана базаргъа элтир.
- Джерни букъусу кёкге къонмаз.
- Игини сыйлагъан адетди.
- Джаш болсун, къыз болсун, акъылы, саны тюз болсун.
- Чабакъгъа акъыл, табагъа тюшсе келеди.
- Байлыкъ адамны сокъур этер.
Профиль
|
|
|||