- Ёлген эшек бёрюден къоркъмайды.
- Тойну къарнашы – харс, джырны къарнашы – эжиу.
- Билим ат болуб да чабар, къуш болуб да учар.
- Кёрмегеннге кебек – танг, битмегеннге сакъал – танг.
- Гугук кесини атын айтыб къычыргъанча, мен, мен деб нек тураса?
- Бойнуму джети джерден кессенг да, мен ол ишни этеллик тюлме.
- Таш бла ургъанны, аш бла ур.
- Акъыл бла адеб эгизледиле.
- Джол бла сёзню къыйыры джокъ.
- Ётген ёмюр – акъгъан суу.
- Берекет берсин деген джерде, берекет болур.
- Къалгъан ишге къар джауар.
- Тюзню ётмеги тюзде къалса да, тас болмаз.
- Телиге акъыл салгъандан эсе, ёлгеннге джан салырса.
- Къралынгы – душмандан, башынгы от бла суудан сакъла.
- Хазыр ашха – терен къашыкъ.
- Къыйынлы джети элни къайгъысын этер.
- Кёбге таш атма.
- Окъ къызбайны джокълайды.
- Эринчекни эр алмаз, эр алса да, кёл салмаз, кёл салса да, кёб бармаз!
- Бет бетге къараса, бет да джерге къарар.
- Окъдан джара эртде-кеч болса да бителир, сёз джара, ёмюрге къалыр.
- Кёз – сюйген джерде, къол – ауругъан джерде.
- Зарда марда джокъ.
- Уллу къазанда бишген эт, чий къалмаз.
- Кюлме джашха – келир башха.
- Аджаллыгъа окъсуз шкок атылыр.
- Джаш къарыу бла кючлю, къарт акъыл бла кючлю.
- Эри аманны, къатыны – аман.
- Кёл – къызбай, къол – батыр.
- Тешик этген тынчды, аны джамагъан къыйынды.
- Дженгил джетерикме деб, узун джолну къоюб, къысхасын барма.
- Сакъламагъан затынга джолукъсанг, не бек къууанаса, не бек ачыйса.
- Ханнга да келеди хариблик.
- Джыгъылгъанны сырты джерден тоймаз.
- Элге къуллукъ этмеген, элге ие болмаз.
- Джерни букъусу кёкге къонмаз.
- Байлыкъ адамны сокъур этер.
- Кирсизни – саны таза, халалны – къаны таза.
- Бал чибинни ургъаны – ачы, балы – татлы.
- Тили узунну, намысы – къысха.
- Джылар джаш, атасыны сакъалы бла ойнар.
- Аш иеси бла татлыды.
- Къарыусузгъа кюлме, онгсузгъа тийме.
- Ач келгенни – тойдур, кеч келгенни – къондур.
- Онгсузну – джакъла, тенгликни – сакъла.
- Къазанда болса, чолпугъа чыгъар.
- Эшекни не къадар тюйсенг да, ат болмаз.
- Уллу атлама – абынырса, уллу къабма – къарылырса.
- Сёз садакъдан кючлюдю.
Профиль
|
|
|
|||