- Элиб деген, элге болушур.
- Къонагъы джокъну – шоху джокъ.
- Шайтан алдады, тюзлюк къаргъады.
- Джарашыу сюйген – джалынчакъ.
- Алгъанда – джууукъ, бергенде – джау.
- Джолунга кёре – джюрюшюнг, джагъанга кёре – юлюшюнг.
- Юйюнг бла джау болгъандан эсе, элинг бла джау бол.
- Тойгъа барсанг, тоюб бар, эски тонунгу къоюб бар.
- Эм ашхы къайын ана мамукъ бла башынгы тешер.
- Чоюнну башы ачыкъ болса, итге уят керекди.
- Эрине къаргъыш этген къатын, эрнин къабар.
- Къаллай салам берсенг, аллай джууаб алырса.
- Къазанчы аман болса, къазаны къайнамаз.
- Джашны джигитлиги сорулур, къызны джигерлиги сорулур.
- Къыз келсе, джумуш эте келеди, къатын келсе, ушакъ эте келеди.
- Сууда джау джокъ, кёб сёзде магъана джокъ.
- Акъыл сабырлыкъ берир.
- Къызгъанчдан ычхыныр, мухардан ычхынмаз.
- Байлыкъ адамны сокъур этер.
- Бозанг болмагъан джерге, къалагъынгы сукъма.
- Ач къалгъандан, кеч къалгъан къолай.
- Адамны сабийин сюйген джюреги, бычакъча, джитиди.
- Адам сёзге тынгыла, акъыл сёзню ангыла.
- Ариу – кёзге, акъыл – джюрекге.
- Ашхы адам – халкъ байлыгъы, ашхы джер – джашау байлыгъы.
- Къуру гыбыт бек дыгъырдар.
- Термилгенинги табмазса, кюлгенинге тюберсе.
- Эркишиге тары кебек танг кёрюнюр.
- Атадан ёксюз – бир ёксюз, анадан ёксюз – эки ёксюз.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёлю джокъну – джолу джокъ.
- Бир абыннган – минг сюрюнюр.
- Ата Джуртун танымагъан, атасын да танымаз.
- Байлыкъ келсе, акъыл кетер.
- Къайтырыкъ эшигинги, къаты уруб чыкъма.
- Окъугъан озар, окъумагъан тозар.
- Чакъырылмагъан джерге барма, чакъырылгъан джерден къалма.
- Билим къая тешер.
- Акъыллы – эл иеси, тели – эл баласы.
- Урама да – ёледи, сатама да – келеди.
- Мал ёлсе, сюек къалыр, адам ёлсе, иши къалыр.
- Aдам боллукъ, сыфатындан белгили.
- Къатын къылыкъсыз, эр тынчлыкъсыз.
- Окъугъан – асыу, окъумагъан – джарсыу.
- Къарнынг ауруса, ауузунгу тый
- Окъугъанны бети джарыкъ.
- Бастасын ашагъан, хантусун да ичер.
- Ачны эсинде – аш.
- Кёбню кёрген – кёб билир.
- Ишлегенден, къарагъан уста.
Профиль
|
|
|
|||