- Тай асырагъан, атха минер.
- Эшекни не къадар тюйсенг да, ат болмаз.
- Аякъларынгы джууургъанынга кёре узат.
- Биреу ашаб къутулур, биреу джалаб тутулур.
- Рысхы – насыбха къор.
- Кёл – къызбай, къол – батыр.
- Башда акъыл болмаса, эки аякъгъа кюч джетер.
- Кёлю джокъну – джолу джокъ.
- Нарт сёз къарт болмаз.
- Аллахдан тилесенг, кёб тиле.
- Джуртун къоругъан озар.
- Аш берме да, къаш бер.
- Бети бедерден, намыс сакълама.
- Ачлыкъ отха секиртир.
- Ашыкъгъан cуу, тенгизге джетмез.
- Адам къаллай бир ишленмесе, аллай бир кесин уллу кёреди.
- Ачны эсинде – аш.
- Ушамагъан – джукъмаз.
- Биреу къой излей, биреу той излей.
- Тойгъа алгъа да барма, тойда артха да къалма.
- Аман адам этегингден тутса, кес да къач.
- Ёзденликни джайгъан – джокълукъ.
- Юй ишлеген балта эшикде къалыр.
- Къарны аманнга къазан такъдырма, къолу аманнга от джакъдырма.
- Бозанг болмагъан джерге, къалагъынгы сукъма.
- Сёлеш деб шай берген, тохта деб, сом берген.
- Босагъагъа джууукъ орун болса, ашыгъыб тёрге озма.
- Айранны сюйген, ийнек тутар.
- Кийимни бир кюнню аясанг, минг кюннге джарар.
- Къонагъы джокъну – шоху джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Халкъны юйю – туугъан джери.
- Арыгъан къош чамчы болур.
- Ач къарынны, токъ билмез
- Мадар болса, къадар болур.
- Джыланны къуйругъундан басарынг келсе, аны башы болгъанын унутма.
- Адеб этмеген, адеб кёрмез.
- Минг тенг да азды, бир джау да кёбдю.
- Окъугъан озар, окъумагъан тозар.
- Къан бла кирген, джан бла чыгъар.
- Аманны къуугъан, аманлыкъ табар.
- Эл элде бирер малынг болгъандан эсе, бирер тенгинг болсун.
- Ашарыкъда сайлагъаннга – чий гырджын.
- Сууда джау джокъ, кёб сёзде магъана джокъ.
- Бети къызарыучу адамны, джюреги харам болмаз.
- Аш иеси бла татлыды.
- Кёз – сюйген джерде, къол – ауругъан джерде.
- Ёпкелегенни ашы татлы болады.
- Джетген къыз джерли эшекни танымаз.
- Тюз сёз баргъан сууну тыяр.
Профиль
|
|
|
|||