- Окъумагъан сокъурду, сокъур ташха абыныр!
- Айтхан – тынч, этген – къыйын.
- Бойнуму джети джерден кессенг да, мен ол ишни этеллик тюлме.
- Хар ишни да аллы къыйынды.
- Минг тенг да азды, бир джау да кёбдю.
- Акъыллы эркиши атын махтар, акъылсыз эркиши къатынын махтар.
- Билмезни кёзю кёрмез, этмезни къулагъы эшитмез.
- Чомартха хар кюн да байрамды.
- Къарт болгъан джерде, берекет болур, сабий болгъан джерде, оюн болур.
- Хар сёзню орну барды.
- Эшекни не къадар тюйсенг да, ат болмаз.
- Ишлемеген – тишлемез.
- Аджашхан тёгерек айланыр.
- Кёрмегеннге кебек – танг, битмегеннге сакъал – танг.
- Аманнга алтын чыдамаз.
- Ишленмеклик адамлыкъды.
- Этим кетсе да, сюегим къалыр.
- Тенги кёбню джау алмаз, акъылы кёбню дау алмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Ашхы адам – халкъ байлыгъы, ашхы джер – джашау байлыгъы.
- Халкъны юйю – туугъан джери.
- Ашлыкъ – бюртюкден, джюн – тюкден.
- Эки итни арасына сюек атма, эки адамны арасында сёз чыгъарма.
- Къобан да къуру да къобханлай турмайды, адам да къуру да патчахлай турмайды.
- Элни кючю – эмеген.
- Суу да къайтады чыкъгъан джерине.
- Джиби бир къат джетмей эди да, эки къат тарта эди.
- Ата – баланы уясы.
- Кюл тюбюндеги от кёрюнмейди.
- Джаханимни кёрмей, джандетге кёл салмазса.
- Харам къарнашдан, халал тенг ашхы.
- Тамырсыз терекге таянма – джыгъылырса.
- Кёбден умут этиб, аздан къуру къалма.
- Таукел адам тау тешер.
- Баргъанынга кёре болур келгенинг.
- Башы ишлегенни, ауузу да ишлер.
- Ишин билген, аны сыйын чыгъарады.
- Билим – акъылны чырагъы.
- Сабий кёргенин унутмаз.
- Эркишини аманы тиширыуну джылатыр.
- Бюгюн дуния кибик, тамбла ахыратды.
- Къарнынг бла ёч алма.
- Халкъны джырын джырласанг, халкъ санга эжиу этер.
- Кесине гебен этелмеген, биреуге черен эте эди.
- Агъач халкъгъа алтынды, иссиликге салкъынды.
- Огъурлуну сёзю – суу, огъурсузну сёзю – уу.
- Башсыз урчукъ тюзюне айланмаз.
- Суу ичген шауданынга тюкюрме.
- Джети тилни билген джети кишиди.
- Тойгъан антын унутур.
Профиль
|
|
|
|||