- Джогъун бар этген, барын бал этген.
- Биреуге аманлыкъны тилеме да, кесинге ашхылыкъны тиле.
- Юйлю уругъа ит чабмаз.
- Арба аугъандан сора, джол кёргюзтюучю кёб болур.
- Къолу уллу – асыу, аягъы уллу – джарсыу.
- Кенгеш болса, уруш болмаз.
- Джангыз терек къынгыр ёсер.
- Къыйынлы джети элни къайгъысын этер.
- Башда акъыл болмаса, эки аякъгъа кюч джетер.
- Мен да «сен», дейме, сен да «кесим», дейсе.
- Ёзденликни кёбю ётюрюк.
- Ашда – бёрю, ишде – ёлю.
- Айыбны суу бла джууалмазса.
- Адебни адебсизден юрен.
- Джаш къарыу бла кючлю, къарт акъыл бла кючлю.
- Ана къолу ачытмаз.
- Бал ашаргъа сюе эсенг, чибин ургъаннга тёз.
- Хатерли къул болур.
- Ата Джуртча джер болмаз, туугъан элча эл болмаз.
- Бети – къучакълар, джюреги – бычакълар.
- Сескекли кесин билдирир.
- Магъанасыз сёз – тауушсуз сыбызгъы.
- Сабий кёргенин унутмаз.
- Тил – кесген бычакъ, сёз – атылгъан окъ.
- Ач къарным, тынч къулагъым.
- Бир абыннган – минг сюрюнюр.
- Ойнаб айтсанг да, эслеб айт.
- Ана къойну – балагъа джандет.
- Кёкдеги болмаса, джердегин кёрмейди.
- Тенги кёбню джау алмаз, акъылы кёбню дау алмаз.
- Аш кетер да бет къалыр.
- Чакъырылмагъан къонакъ къачан кетерин сормаз.
- Таякъ этден ётер, тил сюекден ётер.
- Рысхы джалгъанды: келген да этер, кетген да этер.
- Тура эдим джата, къайдан чыкъды хата?
- Биреу къой излей, биреу той излей.
- Сагъышы джокъ – джукъучу, акъылы джокъ – къаугъачы.
- Къазанны башы ачыкъ болса, итге уят керекди.
- Сёз садакъдан кючлюдю.
- Къонагъынгы артмагъын алма да, алгъышын ал.
- Ата джурт – алтын бешик.
- Кёл – къызбай, къол – батыр.
- Къошда джокъгъа – юлюш джокъ.
- Айырылмаз джууугъунга, унутмаз сёзню айтма.
- Суу ичген шауданынга тюкюрме.
- Байма, деб да, къууанма, джарлыма, деб да, джылама.
- Къая джолда джортма, ачыкъ сёзден къоркъма.
- Сабийни джумушха джибер да, ызындан бар.
- Адеб этмеген, адеб кёрмез.
- Тёзген – тёш ашар!
Профиль
|
|
|||