Эльбрусоид :: Форум

«Ма», - дегенни билмесенг, «бер», - дегенни билмезсе.
Ариу сёз – джаннга азыкъ, аман сёз – башха къазыкъ.
Кёрмегеннге кебек – танг, битмегеннге сакъал – танг.
Хар сёзню орну барды.
Чакъырылмагъан къонакъ тёрге атламаз.
Тилсиз миллет джокъ болур.
Ишни аллы бла къууанма да, арты бла къууан.
Байлыкъдан саулукъ ашхыды.
Юй ишлеген балта эшикде къалыр.
Баргъанынга кёре болур келгенинг.
Ёлген эшек бёрюден къоркъмайды.
Къартны бурнун сюрт да, оноугъа тут.
Берекет берсин деген джерде, берекет болур.
Кирсизни – саны таза, халалны – къаны таза.
Акъыллы – эл иеси, тели – эл баласы.
Тил джюрекге джол ишлейди.
Джумушакъ сёз къаты таякъны сындырыр.
Ачны эсинде – аш.
Ата Джуртуму башы болмасам да, босагъасында ташы болайым.
Джарлыны тону джаз битер.
Сабий кёргенин унутмаз.
Халкъгъа джарагъан, джарлы къалмаз.
Къаллай салам берсенг, аллай джууаб алырса.
Аман къатын сабий табса, бий болур…
Бир онгсуз адам адет чыгъарды, деб эштирик тюлсе.
Уллу къазанда бишген эт, чий къалмаз.
Миллетни бойну – базыкъ, аны бла кюрешген – джазыкъ.
Кёбге таш атма.
Чыкълы кюнде чыкъмагъан, чыкъса къуру кирмеген.
Келинни – келгинчи, бёркню кийгинчи кёр.
Байдан умут эте, джарлыдан ёгюз багъасы къорады.
Нафысынгы айтханын этме, намысынгы айтханын эт.
Джаш къарыу бла кючлю, къарт акъыл бла кючлю.
Игини сыйлагъан адетди.
Садакъачыны джаны – къапчыгъында.
Уллу сёзде уят джокъ.
Джети тилни билген джети кишиди.
Къыз келсе, джумуш эте келеди, къатын келсе, ушакъ эте келеди.
Келлик заман – къартлыкъ келтирир, кетген заман – джашлыкъ ёлтюрюр.
Аман адамны тепсинге олтуртсанг, къызынгы тилер.
Тёгюлген тюгел джыйылмайды.
Экиндини кеч къылсанг, чабыб джетер ашхам.
Ач къарынны, токъ билмез
Ата джурт – алтын бешик.
Чакъырылмагъан джерге барма, чакъырылгъан джерден къалма.
Аууздан келген, къолдан келсе, ким да патчах болур эди.
Окъугъан – асыу, окъумагъан – джарсыу.
Къонакъ аман болса, къонакъбай джунчур
Аш кетер да бет къалыр.
Башынга джетмегенни сорма.

Логин:
Пароль:
	Запомнить меня на этом компьютере

Забыли свой пароль?
Регистрация