- Ёгюзню мюйюзюнден тутадыла, адамны сёзюнден тутадыла.
- Къыйынлы джети элни къайгъысын этер.
- Джылар джаш, атасыны сакъалы бла ойнар.
- Сабийликде юретмесенг, уллу болса – тюзелмез.
- Чомарт къонакъ юй иесин сыйлар.
- Ариу сёз – къылычдан джити.
- Байлыкъ тауусулур, билим тауусулмаз.
- Ашхы адам – халкъ байлыгъы, ашхы джер – джашау байлыгъы.
- Гугурук къычырмаса да, тангны атары къалмаз.
- Арбаз сайлама да, хоншу сайла.
- Чомартны къолу берекет.
- Чакъырылмагъан къонакъ тёрге атламаз.
- Ач да бол, токъ да бол – намысынга бек бол.
- Тёрдеги кюлсе, эшикдеги ышарыр.
- Юйюнгден чыкъдынг – кюнюнгден чыкъдынг.
- Уллу суу бла уллу ауруудан башынгы сакъла.
- Тик ёргени, тик энгишгеси да болады.
- Тёгюлген тюгел джыйылмайды.
- Намыс сатылыб алынмайды.
- Билимли ёлмез, билимсиз кёрмез.
- Оюмсуз атлагъан, аджалсыз ёлюр.
- Джети тилни билген джети кишиди.
- Адам боллукъ, атламындан белгили болур.
- Намысы болмагъанны, сыйы болмаз.
- Айырылмаз джууугъунга, унутмаз сёзню айтма.
- Мухардан ач ычхынмаз.
- Асхат ашлыкъ сата, юйдегиси ачдан къата.
- Тилсиз миллет джокъ болур.
- Къонакъ аз олтурур, кёб сынар.
- Акъыл бла адеб эгизледиле.
- Ёлюк кебинсиз къалмаз.
- Иги адамны бир сёзю эки болмаз.
- Суу ичген шауданынга тюкюрме.
- Къайгъы тюбю – тенгиз.
- Къозулугъунда тоймагъан, къойлугъунда тоймаз.
- Рысхы – сют юсюнде кёмюк кибикди.
- Элге къуллукъ этмеген, элге ие болмаз.
- Къыйынлы джети элге оноу этер.
- Ариу – кёзге, акъыл – джюрекге.
- Кюлме джашха – келир башха.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Акъыллы башны – тили къысха.
- Бети бедерден, намыс сакълама.
- Къартха ушагъан джаш – акъыллы, джашха ушагъан къарт – тели.
- Ач – эснер, ат – кишнер.
- Джеринден айырылгъан – джети джылар, джуртундан айырылгъан – ёлгюнчю джылар.
- Эл ауузу – элия.
- Чомартны къолун джокълукъ байлар.
- Ашда – бёрю, ишде – ёлю.
Профиль
|
hopuk
 Эльбрусоид
Баллов: 0
Регистрация: 11.06.2012
Последний визит: 11.06.2012 12:27:25
|
|
||||||||
|
|
|
||||||||