- Юйюнгден чыкъдынг – кюнюнгден чыкъдынг.
- Ата Джуртча джер болмаз, туугъан элча эл болмаз.
- Ауурну тюбю бла, дженгилни башы бла джюрюген.
- Адам сёзге тынгыла, акъыл сёзню ангыла.
- Таугъа чыгъаллыкъ эсенг, тюзде къалма.
- Эл ауузу – элек, анга ийнаннган – халек.
- Къартны сыйын кёрмеген, къартлыгъында сыйлы болмаз.
- Ач отунчуну ачыуу – бурнунда.
- Къарнынг къанлынга кийирир.
- Урама да – ёледи, сатама да – келеди.
- Нёгерсизни джолу узун.
- Байлыкъ тауусулур, билим тауусулмаз.
- Айтылгъан буйрукъ, сёгюлмез
- Аз айтсам, кёб ангылагъыз.
- Джети тилни билген джети кишиди.
- Чакъырылмагъан джерге барма, чакъырылгъан джерден къалма.
- Чомарт къонакъ юй иесин сыйлар.
- Экеулен сёлеше тура эселе, орталарына барыб кирме.
- Тил джюрекге джол ишлейди.
- Тойгъан джерге джети къайт.
- Сёз сёзню айтдырыр.
- Джаным-тиним – окъуу, билим.
- Къарнынг бла ёч алма.
- Тёрде – темир таякълы, къаяда – чыпчыкъ аякълы.
- Ауругъан – джашаудан умутчу.
- Мураты болгъанны джюрек тебюую башхады.
- Джюрекден джюрекге джол барды.
- Джыланны къуйругъундан басарынг келсе, аны башы болгъанын унутма.
- Чабакъсыз кёлге къармакъ салгъанлыкъгъа, чабакъ тутмазса.
- Адеб базарда сатылмаз.
- Адебни адебсизден юрен.
- Къралынгы – душмандан, башынгы от бла суудан сакъла.
- Къаллай салам берсенг, аллай джууаб алырса.
- Ким бла джюрюсенг, аны кёзю бла кёрюнюрсе.
- Чабакъгъа акъыл, табагъа тюшсе келеди.
- Мен да «сен», дейме, сен да «кесим», дейсе.
- Кёз – сюйген джерде, къол – ауругъан джерде.
- Аджалсыз ёлюм болмаз.
- Окъдан джара эртде-кеч болса да бителир, сёз джара, ёмюрге къалыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Билгенни къолу къарны джандырыр.
- Танг атмайма десе да, кюн къоярыкъ тюйюлдю.
- Бёрю да ач къалмасын, эчки да ашалмасын.
- Ач къарынны, токъ билмез
- Элде адам къалмаса, ит тахтагъа минер.
- Биреу къой излей, биреу той излей.
- Байлыкъ болгъан джерде, тынчлыкъ джокъду.
- Ашхы адам – халкъ байлыгъы, ашхы джер – джашау байлыгъы.
- Чабар ат – джетген къыз.
- Ачыу алгъа келсе, акъыл артха къалады.
Профиль
|
|
|||